朗朗豬尋DUCK記

話說

0係好耐好耐好耐好耐之前

我地屋企住左幾隻小矮 DUCK 

佢地每一日, 都會同朗朗一齊沖沖涼, 玩水水, 

過住非常幸福快樂0既生活

不過, 好境不常

DUCK DUCK 日復日咁玩水, 又冇人替佢地抺身, 吹頭

久而久之, DUCK DUCK 身上出現左好多黑色一點點, 一點點0既斑斑

(俗稱發毛)

媽媽有見及止, 洗都懶得洗

就將佢掉左落垃圾桶

自此朗朗0既泡泡浴

就再唔見DUCK DUCK啦

其實, 掉左DUCK DUCK 之後, 一路都相安無事0架
朗朗提都冇提過佢地
之不過後黎, 有一日

尖沙咀無啦啦出現左巨無霸RUBBER DUCK
自此, 朗朗就成日都問住: 點解我0的鴨鴨唔見左0既????
我為左打發朗朗, 唯有同佢講: 哦, 佢跟住左鴨媽媽去完尖沙咀, 就去左台灣啦
而家, 好似話去左大陸喎.... 有排都唔會番黎0架喇.....唔駛掛心喇.....
本來, 諗住咁答就可以 K.O.到佢啦
又點知.....有一日
朗朗問爸爸: 我0的鴨鴨點解唔番黎0既, 佢係咪唔鐘意我呀???
爸爸聽到, 覺得佢實在太淒涼
為免傷左佢0既自信心
我地最後仲係決定要買番4隻鴨鴨番黎陪佢沖涼....

去相

呢隻鴨鴨
靚又唔係靚女, 身材又唔算標青
點解可以讓朗朗咁迷戀0架????

同鴨鴨重逢, 哥哥超興奮

我立即忍唔住同朗朗講:
鴨鴨話, 佢去完台灣, 再去完大陸
最後..... 仲係好念掛你, 還是覺得你最好!!!!!!!

 然後再加重點0既呢句: 鴨鴨真係好冧你, 好鐘意你0架.....
你唔駛再質疑佢對你0既愛0架.....

朗朗聽到之後, 梗係沾沾自喜, 自為自己冧死鴨啦

 

細佬都係愛鴨一族

仲情不自禁, "絕"左鴨鴨一啖 

幾驚兩隻仔會為鴨鴨爭風吃醋呀....

今日沖涼時, 終於可以同鴨鴨鴛鴦戲水啦

 WOW....... 沖得超開心
淨係睇佢對眼, 就知佢有淹蓋唔到0既快樂啦

 久別重逢, 真係小別勝新婚呀.....
 

 自己沖完涼, 就幫鴨鴨沖

連PAT PAT都幫鴨鴨洗埋, 幾咁無微不至......

 

一站式服務並唔係就咁完結

後黎, 朗朗自己擦完牙, 就話要幫鴨鴨擦

仲要係堅擦...... (查埋牙膏0個隻)

最後, 再洗埋個靚面....搞掂.....
完成晒一切之後, 朗朗居然同鴨鴨講: 
"攪掂啦鴨鴨, 你可以去訓覺覺啦.... Goodnight, I LOVE U, 聽朝見....."
呢0的對白, 似足我臨訓前同佢講0個0的,
照顧得鴨鴨咁週到, 我差小小以為佢係鴨媽媽, 睇到我都滴晒汗, O晒咀

阿仔阿仔

見你真係咁鐘意DUCK DUCK

算啦, 下次如果佢再發毛

我都唔敢再攀佢扯啦....

HEHEEE....

我地最近開左個 FACEBOOK 專頁呀

大家可以 CLICK 一 CLICK呢度

再 LIKE 一 LIKE 0個度..... 

同我地做個朋友仔啦!!!!