對上一篇, 都忘記報告番細佬0既飛機0既情況添!!!
哈...都真係唔知係我地好采, 定係細佬佢唔好采....
細佬其實上機前0個兩日, 啱啱病左.....
因為食左藥0既關係, 上機冇耐, 就暈底左喇
見到此情此景, 爸爸立即放下心頭大石
繼而歡呼, 大叫, 並且薈心微笑
大家..... 有冇戥鴻仔高興呢??????
好, 講番DAY 2 0既旅程先
去相
我地0既酒店, 不包早餐........
所以呢幾日, 都吃地道0既街邊小食
我好鐘意掃街0架, 總覺得地道好多
這個湯面,湯底超濃, 勁正.....
今日行程都係好簡單, 早上俾對仔游游水, 下午去藝術館 + 河畔夜市
朗朗最近勁愛游水,雖然只係游左短短15分鐘水,
但已經足夠開心到佢暈左....小朋友0既世界真係好簡單 ....
YEAH, 準備出發
去曼谷咁多次, 仲係第一次去佢地0既藝術館
淨係個門口, 已經覺得........好悶哦....哈哈
不過,同小朋友去旅行, 唔通日日行商場咩????
你肯佢都實唔會滯啦.....
咁藝術館.... 我覺得都幾好呀, 涼住冷氣慢慢行
而且, 行行下, 覺得行藝術館
能夠欣賞當地人0既藝術之餘, 亦可以睇到泰國人0既風俗
不過.....呢隻野......
字都唔識隻, 又點會明白藝術0既真諦呢......
帶佢去藝術館, 簡直係對屎彈琴......
魚仔一路都0係樹行行企企 , 食飯兩味
得閒就大叫幾聲, 連0的管理員都勒令我地塔住呢條友
全程最合作, 就係影呢張相.....
好采, 我地仲有個文化界0既代表
真係估唔到表姐係咁熱愛藝術, 佢大愛呢個藝術館呢!!!!!
呢個藝術館都好大下0架, 有成五層
其實有一兩層0既展品係講泰國人0既滿天神佛, 作品有些小恐怖
不過, 都OK 0既, 雖然係有小小驚嚇, 但其實, 亦可以透過這些作品
讓小朋友多0的了解下泰國人0既信仰, 文化, 風俗嘛
行到中段, 魚仔佢嘈得滯, 俾管理員紅牌趕左出場哦.....
好采, 有婆婆幫拖睇魚仔, 我地先可以繼續慢慢欣賞咋.....
美人魚哦......
亦好欣賞泰國人0既雕塑, 真的好精美, 好仔細.....
我好鐘意背後0既呢張作品, 感覺到泰國人0既開心嗎????
充滿佛像的大象
星空走廊
行完之後, 發現唔同國家0既人, 對藝術0既睇法, 表達手法都唔一樣
今次有機會, 去到泰國0既藝術館, 感覺真的好特別
扮完文化人, 立即走過浮華大地
真係太多年冇黎過曼谷喇, 而家0的夜市真係靚到呢......嚇死你.....
以為自己身在歐洲呢......
本來真係好想0係度瘋狂掃貨0架.....
奈何.....
一去到之嘛, 個死佬鴻仔就率領左婆婆同表姐去做MASSAGE.....
睇下表姐個樣幾嘆.....
我當場真係好嬲 好嬲.....
話說, 河畔夜市四點半先開, 但我地BOOK左八點做SPA
所以, 一定要7點吃飯, 7點半坐車走人
點估到..... 時間咁緊迫之際, 三條友唔俾我SHOPPING
仲要我單人匹馬, 對付呢對顛喪兩兄弟呢.....
其實, 呢度真係好好行0架
冇翟度翟咁熱之餘, 人又有咁迫......0的野都好靚0架......
不過, 真係冇乜時間行喇...... 勁傷心.......
我只能0係朗朗, 表姐, 細佬同爸爸上左摩天輪0個短短15分鐘狂掃咋
都好喇, 買到兩件t俾對仔, 買到對拖鞋, 電話袋.......
時間緊迫, 求期食餐飯, 又要趕快閃人
大愛這張相........太搞笑喇....
勁慘......的士司機唔識路, 攪到我地遲大到.....
明明兩小時0既spa, 最後cut淨1.5小時咋....
呢間係鬼嫁介紹0既 Oasis Spa - Suk 31 (Phrom Phong)
環境簡潔又舒服
話說, 鴻仔一早就睇中呢間spa 0架喇
跟住, 後黎睇鬼嫁介紹, 話原來買gift coupon 一 set 10 張都不過係$9000 baht
而每次做兩個鐘0既spa, 就用兩張coupon, 為起做一次spa, 都不過係$400....超抵呢....
哈, 而剛剛好, 我地五個人, 10張coupon 不多不少啱啱好....
我撞到個技師, 手勢好唔錯
我仲忍唔住, 訓著左添....
而家睇番..... 真係好想再做多次spa呢......
day 2 完
想問下你呢次曼谷你住邊間酒店?
回覆刪除真係唔係好記得, 只係記得我地選左間Apartment 酒店!!!! 幫你唔到, sorry
刪除