朗朗的男兒淚

古語有云

男兒流血不流淚

其實, 我都好想培訓下朗朗唔好成日由朝喊到晚0架

然而, 自細.....朗朗就係一個百折不拘0既大喊十

訓唔夠又喊

肚餓又喊

我行快幾步冇等佢, 佢又喊

食飯, 我快佢一步起筷咋, 佢都要喊

指住架飛機, 叫我睇, 我唔應佢一聲"係喎, 飛機喎", 佢又喊 

總之, 呢個仔..... 就係乜乜乜乜乜都會喊一大餐啦

唉...... 日喊夜晚.....

有時, 我真係覺得好疲累0架...
有時, 仲會覺得好氣餒......覺得點解, 我個仔會咁0架.....

又會0係度諗....究竟佢點樣, 先可以成為一個男子漢大丈夫
真係能夠流血不流淚呢!!!!!

早幾日

我又俾佢喊到頭暈暈, 腳震震

去相

話說

早幾日, 我帶左兩隻仔落樓下公園散散步, 放放電

 初時, 哥哥都帶住興奮無比0既心情去玩0架

仲學人開快車添

佢諗唔諗唔到, 轉個頭自己會奶野.....

突然, 以恒落左黎公園一齊玩

兩隻野學人鏈車

而家哥哥大喇, 去到公園時

我一般都會俾佢同自己班FRIEND一齊玩

咁佢都好OK 0既, 大啦, 真係唔再需要媽媽全天后陪伴在旁喇

而我呢, 而家好多時都會照顧細佬多0的啦

呢個年紀0既細佬, 去到邊都想同媽媽一齊....陪少陣都唔得呢.....

突然, 傳來一陣陣0既幽怨0既喊聲

聽到呢0的咁轟烈0既喊聲, 我都深感不妙0架喇.

果然係炒車呀, 哥哥然後失控狂喊

見佢喊得咁淒涼, 佢又大叫, 話自己流血

我以為佢跌得好金喇.....車.... 原來只不過係咁.....

真係諗唔明, 點解咁小小0既一個傷口, 可以讓朗朗喊收唔到聲!!!!

俾糖佢食又唔得, 俾餅佢食又話唔要

跟住, 我問佢, 咁你駛唔駛話俾你最信任0既人知呀????

朗朗: 咁係邊個????? 

最後, 朗朗決定要打電話俾爸爸啦

電話一接通咋, 佢個樣立即變得勁委屈, 好淒涼咁.....

真係估唔到, 原來爸爸0既安慰比糖更為重要

以往, 佢地兩父子一向都係狗咬狗骨0架嘛

原來, 危難時, 哥哥....係咁需要爸爸0架

唔知爸爸冧唔冧呢.....哈哈

HEHEEE....

我地最近開左個 FACEBOOK 專頁呀

大家可以 CLICK 一 CLICK呢度

再 LIKE 一 LIKE 0個度..... 

同我地做個朋友仔啦!!!!