細佬決戰幼稚園

唔經唔覺, 又去到十月喇....

十月對於龍b媽媽黎講, 應該會係一個非常忙碌0既月份

呢個月, 我不斷的蒲baby kingdom

不斷的硏究有乜野學校適合細佬豬.....

簡直係身心疲累呀......

我地0既細佬豬, 說實的, 講野一0的都唔叻

最近先開始學習講句子

說話一句起, 兩句止

每句最多三個字........

對於考幼稚園, 我同鴻仔真係一0的把握都冇呀

而且, 經過上年三考三reject呢一役之後

我地0既自卑指數, 悲觀指數, 全部都去到歷年新高

講真, 壓力真係好大, 有幾晚, 仲因為咁而搞到失眠添....

而家, 大大話話替細佬報左都有7至8間幼稚園

以佢咁0既狀態, 考7間, 我真係覺得唔夠架....

條友仔, 講野唔叻都算啦

仲要坐唔定, 十問有唔應

in in 下, 自己行出門口, 佢都一定做得出架

所以, 唔理三七二十九定二十八喇

我諗, 最小要替佢報12間....

真係好病態, 而且好變態呀...

不過, 我真係冇得揀, 龍b競爭實在太大.....

黎梗今個星期六, 魚仔佢將會進行佢人生中的第一次面試啦

呢間, 都幾心儀添架......超緊張, 亦都勁擔心......

求神拜佛, 希望魚仔佢能夠潔身自愛, 臨場表現得好小小啦.....

魚仔, 你要加油呀!!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!