午睡

話說

自從暑假之後, 朗朗就開始唔再肯訓晏覺

呢件事, 令我有小小苦惱

在我黎講, 我梗係想佢訓下喇

一黎, 佢訓左, 個人會冇咁忟憎

二黎, 佢唔訓, 就會攪攪震
成日就走去細佬床邊大叫:
 細佬, 起身啦.....
細佬, 唔好訓喇, 起身玩啦
細佬, 你訓左好耐喇喎, 好快D起身啦下
查實, 細佬先啱啱訓左半個鐘咋, 次次都走去整醒個細佬
有時, 見細佬唔理佢, 佢就0係細佬床邊大大聲咁唱K
我真係就黎鑑生俾佢激死架喇.......

見朗朗次次唔訓都會攪到麻麻煩煩
我實在覺得, 唔係佢訓, 就係我亡
所以, 日日都會迫佢去訓
之不過, 要迫一個唔想訓0既人去訓覺, 談何容易呢???
我0係度諗, 佢唔訓, 我係咪唔應該迫佢訓呢???
其實以佢0既年紀, 唔訓晏覺究竟有冇問題0架呢???
苦惱苦惱........


好, 去相


話說, 有一日
哥哥終於......終於.....終於肯乖乖訓覺覺

 細佬罕有地俾哥哥早醒

玩玩下, 突然走去玩復仇

大大力咁鏗左哥哥一野...... 我都睇到O晒咀

鏗完哥哥大逃亡

俾人鏗左一野0既哥哥...... 竟然冇反應.....

細佬豬見哥哥冇反應, 決定進行PLAN B復仇大計

 

首先, 0係哥哥身上做掌上壓

繼而, 再踐踏阿哥

俾人虐打0既哥哥, 終於有小小反應

屎喇, 阿哥發火了...........

十萬火急之際, 呢個細佬, 究竟會點拆掂單野呢?????

嘩, 醒得佢呀

竟然扮野, 扮同哥哥玩 bu bu 0節

on 居居0既哥哥以為細佬同佢玩, 超級受落

仲俾細佬氹到咭咭聲咁笑

儍得佢呀......

哈哈, 細佬都俾你惡整得多啦

今次仲唔輪到佢有怨報怨, 有仇報仇咩!!!

HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!!