驚心動魄咬人事件薄

上星期0既某一日
朗朗發生左一件令我好好好唔開心0既事

0個日接校車放學時
跟車姐姐同爸爸講: 朗朗正話0係校巴咬同學....
嘩..... 我真係有小小唔敢相信.....
實呈, 朗朗個人係格衰小小
但總括老師, 朋友, 好多人都講
如果爸爸, 媽媽不在場
佢基本上係個幾乖0既小朋友
而且, 我覺得, 朗朗平時同朋友玩, 
最多最多, 都係發下脾氣, 喊下0架0者
我從來都冇見過佢用暴力黎面對當下發生0既事情
而且.....咬人..... 真係好嚴重下.....
不過, 我亦都冇質疑過跟車姐姐0既說話
因為, 好地地, 跟車姐姐又邊會作0的野黎呃家長呢????

於是, 我地質問朗朗
佢亦可能知衰, 一直都支吾以對
當然最後, 亦有承認自己有咁做過.....
問佢點解要咬人: 佢話沙律都有咬佢
跟住, 又話沙律咬佢細細力, 佢咬沙律大大力.....
聽到都一額汗, 覺得好驚........
然後, 佢又話, 因為沙律唔乖, 所以朗朗要咬佢
嘩........聽到呢度, 真係好擔心, 點解朗朗會有咁0既想法呢????
於是, 呢一整日,我地不斷同佢傾計, 同佢心理輔導
話番俾佢知, 自己咁做對方會好痛, 
即使人地唔乖, 亦唔可以咁咬人, 又點又點, 鵝左佢一整晚
我諗, 佢都覺得阿媽長氣呢.....

好采, 沙律媽媽係一個大好人
同我地亦都好熟
佢夜晚仲專登打電話俾我, 叫我唔好罰朗朗添
唉, 講真, 如果俾人咬0個個係我個仔
我諗, 我實嬲到震呀, 邊會叫對方唔好鬧佢個仔呢.........




去相

呢張相, 係沙律媽媽影俾我睇0架
佢仲話, 放工番到去, 個印都仲未退
我諗, 個衰仔應該真係好大力下...

雖然, 朗朗係咁大力咬落沙律到

但朗朗, 沙律媽咪, 沙律自己都聲稱

成件事, 沙律係冇喊過, 真堅強呢

咬人事件0既呢一日

我地plan 好左去廸廸尼0架

知佢咬人之後, 嬲到好想罰佢冇得去廸廸尼

不過, 最後仲係去左

講真, 真係好感謝沙律媽媽0既包容

其實, 我一度想嚴刑朗朗0架

我覺得, 佢今次真係太過份

不過, 已經鬧左佢一整日

我知道, 亦感到佢係知衰0既

其實, 講到尾,

最梗要, 都係要俾個小朋友知道自己做得唔啱0者

太嚴刑, 迫得佢太緊

亦未必係一件好事

而且, 沙律同媽咪講,

佢同朗朗係玩, 玩互咬

佢地係堅玩, 定係真係一如朗朗所講, 佢覺得沙律唔乖, 所以咬佢

真係得佢地兩個至知......

第二朝, 朗朗亦有主動say sorry
沙律亦一如往昔咁, 同朗朗0係校巴站玩得好開心

希望今次之後

哥哥唔會再做發生暴力事件啦

呢次, 真係嚇親我.....

HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!!