甜心哥哥

隨著細佬愈來愈大

兩兄弟0既互動亦都愈來愈多

哥哥好錫細佬

細佬亦好鐘意哥哥

雖然, 偶爾總會為爭玩具拼過你死我活

然而, 爭吵過後, 就總係會相親相愛

哈, 每次見到佢地兩小口 SWEET SWEET 個衰樣時, 真係好開心0架

其實, 想當初真係諗都冇諗過, 哥哥佢, 會接受到細佬0架
哥哥細個時, 個人真係好難頂, 霸道到不得了, 成個忌安咁!
初時, 我都打定輸數, 覺得佢實會恰死個細佬架
點諗到, 細佬而家仲會惡死過佢呢....哈哈

我間中會諗
係乜野驅使哥哥咁愛錫細佬呢?
係咪 Van ee 送俾我地本圖書 - 添了小弟弟呢???
哈, 我諗, 都有0的關係0既 
不過, 其實, 父母對兩位小朋友0既態度, 亦都會好影響到佢地0既關係
我仲記得, 細佬出世冇耐
因為new born baby, 我成日都要抱住細佬餵奶
0個段時間, 哥哥開始覺得媽媽成日抱細佬
我於是同佢講, 媽媽左邊0既大脾仔, 係俾哥哥, 右邊係俾細佬
媽媽愛哥哥, 亦愛細佬
其實, 我覺得有0的小朋友點解咁jealous細佬妹呢?
係有0的媽媽一開始就過份擔心哥哥姐姐0既感受
於是, 會偏側, 遷就個哥哥
細路仔就係咁, 你要細佬妹退一步, 哥哥姐姐就會進一步
佢地真係好醒0架, 好快佢地就會知道點樣可以爭取多0的父母0既愛
所以, 我自己覺得
一開始, 就要俾個大0既知道, 父母係會公平公正

分享住咁多先
以上各點, 唔知掂唔掂0架
只係我個人0既愚見, 未必啱晒, 大家當聽下得0架喇, 哈哈
送上兩兄弟0既甜蜜照


話說某日, 細佬午睡過後就嚎哭起黎

我諗, 佢大概係訓唔夠吧

我好怕0的小朋友訓唔夠, 失控狂喊0架

0的喊聲直頭聽到你個人頭暈暈

哈, 不過哥哥居然冇有怕

仲話要幫手氹番細佬添

自以為萬人迷0既哥哥, 諗住送上紅唇熱吻就能夠冧掂細佬

攬攬錫錫, 對方只會以為你係色狼咋, 大佬.....

遇到色中餓狼0既細佬, 眼淚.....在心裡流.......

勁勁勁慘咁0既樣

哥哥見呢招唔掂, 決定送上名車俾氹細佬

點知, 細佬仲係唔領情

唯有再同細佬玩bu bu 0節

攪左一輪, 細佬仲係成個喊包咁

哥哥於是走開左, 初時, 我以為佢決定放棄細佬

點知, 原來佢係出去拎本書番黎瘟仔

又估佢唔到喎, 細佬豬見到本書, 立即笑左起黎

見細佬開心番, 哥哥於是陪細佬一齊睇書書

哈哈, 哥哥成功氹番細佬豬, 真係叻叻

兩兄弟相親相愛, 可喜可賀

HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!!