2013年8月3日星期六

GILL家澳門之旅2013 - 下集

好攰好攰.....散左啦

今日一起身就聴到咔咔聲,
去完澳門, 全個人散晒!

今日到我鴻仔接力寫澳門之旅下集,

上回講到我地一朝早就去左大三巴暴曬,暴曬過後,
鴻仔 . 明白了

經過一番商討之後, 
唔再暴曬, 去科學館!

網上好潮如評的科學館, 
據說非常適合小朋友去!

千奇百趣科學館




一入大門就見到神舟七號的航天員向我地呢班同胞問好啦!

同我地香港的科學館真係好唔同




身體力行地打機, 好爆趣!


仲有射擊王, gillgill


百發零中

3D打籃球, 十個趣


我咁大個人都未睇過真人入樽, 今日朗朗示範左比我睇! 好嘢!







好鐘意呢個遊戲, 朗朗魚仔又上一課!!!



小朋友大愛.......玩水









科學館絶對推介比所有家長, 去澳門必去, 好玩有趣, 小朋友必定鐘意!


一玩就玩左兩個鐘







每次來到澳門, 都一定會來瑪嘉烈蛋店食個


見到張相, 我都好想食多次!!!正正正!

再去左威尼斯食嘢, 唔知係唔係太多內地同胞喺呢度消費!!!

買嘢食時, 所有服務員都向我講國語,

我唯有用我最爛的國語同佢地講"抱國支飯, 唔佳!!!!"
"寧Y, 禾楂屎誇錢.........痴死"


服務員聴到O晒咀, 目定口呆, 陰陰咀笑"其實你可以講白話, 唔好咁辛苦啦"

恕我不能聲音演繹比大家聴, 
基本上我講親國語, 個個都會忍唔住笑我, 來吧, 笑吧!!!
我翻譯
"萄國雞飯, 唔該!!!"
"另外, 我加十塊錢......汽水"



最後去左盧家大屋影相







澳門之旅(完)

講真, 帶住兩隻仔去澳門玩兩日,
我已經散晒啦!!!
真係估唔到五個大人兩個細佬,
咁都可以比佢地玩殘!

2013年8月2日星期五

GILL家澳門之旅2013 - 上集

星期三0個日
我地舉家去左澳門玩左兩日一夜
今次同行0既仲有奶奶, 二叔&二嬸

說實的
這兩日, 我地真係冇乜特別0既行程
一心諗住去HEA遊而矣
點諗到, HEA遊之後, 居然會攰到咁0既地步呢...
今朝起身......仲有0的頭痛添.....


好, 去相先


YEAH....到逹現場



對上一次黎, 係生魚仔之前0既情人節
0個次, 兩公婆甜甜蜜蜜遊澳門........


今次, 帶晒兩隻野黎..........諗起都覺得辛苦........


呢個魚仔..........
今次搭船失敗, 一上船就喊到拆晒天


爸爸而家好焦慮.......好驚八月尾帶佢坐飛機, 唔知點算好........


魚仔, 加油呀, 唔好衰俾你老豆睇呀!!!!


我地今次住十六浦酒店, 間房好好好舒服



好鐘意佢個無敵大海景


而且地理位置好,  好近新馬路, 去邊都好方便
話說, 呢日, 我地真係冇行程, 一去到就食BUFFET



本來, 好想食自助山0架
不過本身住梗0個間酒店BUFFET做梗BUY 1 GET 1
於是決定就範
不過.....呢餐飯, 真係好慘....
冇生蠔, 冇鵝肝都算
我從未試過食DINNER BUFFET, 居然三文魚食晒, 都冇得REFILL囉.....


兩隻仔食完餐飯, 已經暈左



原來....佢地訓著個樣有幾分似0架....


第二朝一早, 哥哥六點起身, 仲迫我地去游水



黑仔........一落到泳池冇耐, 就落起大雨黎喇.....
好采, 只係過雲雨


唔識游水0既鴻仔, 今日要單拖湊兩仔


一開波, 就攪到細佬飲左大大啖水.......



嚇到細佬勁驚青


一揪二鴻仔完全攪唔掂



好采, 嫲嫲超人突然出現


雖然嫲嫲已經好幫到手
但飲左啖水0既魚仔卻患上了童年陰影


不斷呼叫, 不斷求救

朗朗哥哥與嫲嫲共享嫲孫樂


玩水大快樂


兩隻仔巧滿足


玩水完畢, 我地去左吃早餐



豬排面


巨型豬排包



JAYDEN COOL上身0既二叔幫拖推朗朗
今日朗朗勁扭計, 不斷同細佬爭車坐, 俾佢激死!!!


澳門真係十年如一, 都係咁靚





必去景點


一家3口????


呵........我地又有全家幅喇


好曬耶.........


玩左一輪, 兩隻仔齊齊訓著左
車就得一部.......難為了二叔.....
抱住濕笠笠0既魚仔+大熱天時=辛苦辛苦



今日出住一半先
明天再UPDATE埋下半集吧