早生早著

尋晚, 同鴻仔傾偈

講開幾多歲生仔先最perfect....

鴻仔居然同我講, 係覺得自己太早做爸爸.....

總係覺得.....時至今日, 自己0係心理同生理上,仲係未ready做人爸.....

聽到佢咁講.....

心裡面係有小小不是味兒0架....

轉牛角尖的覺得, 仔都生左兩個啦....

點解到而家, 你仲係接受唔到現實呢.....

但諗深一層

其實, 我都明0既

我同鴻仔姞婚不夠兩個月, 就火速有左....

當時, 鴻仔都只不過係26歲

男人嘛, 都比較遲熟

而且, 鴻仔一向都係大細路一名

照顧自己都成問題啦, 何況仲要佢照顧兩隻仔

男人同女人大概真的很不一樣

女人天生就母愛氾濫

有左朗朗0既初期, 唔好話鴻仔啦, 其實我自己都唔太接受到現實囉

識我耐0既朋友都知, 我以前一0的都唔鐘意小朋友0架

有時, 見到小朋友百厭, 仲會想"廟"佢地添

不過, 生左阿仔之後, 我就性情大變喇.....

而家, 有時望番轉頭, 我都好難理解, 點解一個咁樣0既我

居然最後會變成一個FTM....

其實如果可以再選擇多次的話

我仲係覺得28, 9 歲生bb係最好0架

呢兩年, 有感自己老啦

再冇多餘0既力氣同阿仔佢地搏鬥啦

如果, 遲0的生, 真係不得了....

而且, 仲係覺得, 早0的捱完, 可以早0的享受人生嘛

我好怕, 自己40歲人, 個仔仲係三, 四歲.....

哈, 當朗朗10歲, 魚仔8歲時

我地仲係40歲有找

到時, 我地可以有我地0既生活, 佢地又可以有佢地0既生活

不知幾咁爽!!!!

鴻仔, 算啦.....

仔都有兩件啦.....

樂觀0的, 好快我地就可以捱完0架喇

到時, 0的仔大晒, 我肯定你會慶幸自己咁早生仔0者!!!

加油哦, 阿仔老婆其實好易養架咋!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!