如何煉成爸爸

hi, 我係鴻仔!!!

早幾日父親節,

不知不覺間已經渡過左第五個年頭有仔仔同我一齊慶祝的父親節!!!

呢五年過得一D都唔易, 有血有淚! 

想當年我膽粗粗同GILL仔講

"生仔? 我無所謂...."

"鐘唔鐘意小朋友? 無話鐘唔鐘意....我對任何事情都零感!"

到生完兩件之後, 我終於了解自己, 原來我係唔鐘意小朋友!

坊間好多說法.....做父母一定會好鐘意自己D仔,

總係覺得佢地特別可愛....乜嘢事情都係美好!

朗朗同魚仔出世之後, 

我同GILL仔講過

"除非佢地感動我啦! 我唔會無啦啦會好鐘意佢地兩個 "

時至今日, 我仍然會為朗朗有時過份執著感到勞氣,

我會為魚仔無時無刻都喊感到無奈!

我會為朗朗麻煩的要求感到不耐煩!

我會為魚仔騷擾我瞓覺感到憤怒!

人始終都有一份好複雜的情感

我會為朗朗的身體健康感到焦慮!

我會為魚仔的學業前途感到擔憂!

我會為朗朗諗到長大之後識唔識到女仔而覺得可笑!

我會為魚仔諗到長大之後第一次帶女仔返屋企個場面會有幾攪笑!

講到呢度, 睇唻我真係比兩個仔感動到我啦!

我會KEEP住呢個MOOD,

一路感動一路憤怒

一路大笑一路大罵

父親節當日一家人去食飯

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!