行山樂

閒來冇野做

我地最鐘意郊遊

由於我地住0既地方乃係郊區
而且好偏遠
所以放假黎講, 一般都只會留守大本營

住郊區0既小朋友就係咁
唔係玩山, 就係玩水
平時, 冇乜野搞, 哥哥就會嚷著要hiking

上上上上個星期六 (真係好耐之前喇.....)
一個想落雨, 又唔想落雨0既下午
哥哥又話要去行山.....
仲記得0個段日子, 連續落左好幾個星期大雨
一直都出唔到街, 悶左好多好多日.....
0個日天色其實都唔好, 終日都天陰陰咁
其實本身真係唔多願意同佢地顛架....
不過, 佢地兩兄弟又一直苦苦哀求, 然後, 又閃著淚光咁......
最後, 仲係忍唔住, 心軟起黎.....


好, 去相


有得落街, 兩子好醒神, 爆開心

哥哥套曼聯波衫, 最近由細佬接手

見佢著得冷可愛咁, 真係有小小心動, 想買套巴西波衫過佢地呀.....

所謂0既hiking, 其實都只不過係0係小斜坡行黎行去

然後又周圍散散步咁架咋....

以細佬咁0既年紀黎講, 跑斜坡已經係好好玩啦

至於哥哥呢, 佢個人都尚算幾易滿足

可以落街行下, 就已經夠興奮啦

呢日發現新大陸
見到好多小蘑菇

兩兄弟見到小蘑菇, 都感到巧新奇
又問我: 食唔食得架? 可唔可以放入面包機整包架? 好唔好味架?
真係問題天天都多......

0係小斜坡玩左一陣

我地再周圍遊

哈..... 唔影呢張相都唔知....

原來呢兩個小屁股, 轉眼間已滿滿是泥鳥.......

天氣炎熱, 真係要好好補充水份

行到呢度, 突然好掛住衝上雲霄耶......

大家認得出嘛, SAM 哥屋企就0係呢度.....

遇見一個小小小公園

好多靚靚紫色小花

最鐘意就係靚靚0既大自然, 總係睇到人心曠神怡

兩隻仔獨霸公園

天色突變

快玩完公園立即閃人

點知, 不幸0既事就咁發生.......

哥哥跌倒鳥......

雖然就這麼一點點的傷

但足夠讓佢喊足幾小時....

真係唔係吹水架

佢次次整親小小, 都可以哭到死去活來

唔知仲以為佢斷手斷腳呀.....

呢獲野, 真係勁辛苦

眼見個天又準備落大雨, 哥哥又狂扭計, 唔肯行

我又冇帶雨傘, 沿路又冇瓦遮頭

真係好不容易, 先番到終點

真係不幸中之大大大幸呀

一返到屋企樓下, 雨就突然落下黎啦

真係好好好運哦.....

開心開心!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!