二少爺

講完唔捱得熱0既哥哥

今次輪到我地位二少爺出場喇.....

唔知你地有冇同感呢....

其實我細細個, 已經覺得屋企0既大家姐係好出眾架喇

細個時, 總係好想自己可以好似姐姐一樣咁叻, 乜都做得咁好

然而, 我比較庸俗, 讀書又唔夠努力

最後一事無成, 只能做一個小小0既家庭煮婦

環顧身邊好多好多0既朋友

我發現, 每個屋企0既長女, 長子似乎總係比較優秀

最後0既今日

我開始有小小明白, 小小領悟喇

原來二少, 二小姐之所以冇長子, 長女咁叻

真係事必有因

就以我家二少為例

最近, 我發覺佢好依賴

乜都懶得去做, 乜都依賴我地去幫佢

好簡單的, 除鞋, 除襪

其實我知佢係做得黎架, 然而, 佢就係唔願做

不斷0係度大叫, 佢知道一大叫, 就有跟班替佢完成工作

哥哥呢個大幫兇, 次次一見到細佬搞唔掂

就會出手幫忙

成日都同我講: 唔梗要喇, 唔梗要啦, 細佬細呀嘛, 我幫佢, 我幫佢

或者, 哥哥咁做, 係出於一片好心

但係細佬就從此就變得愈來愈依賴了!!!

除左依賴

細佬脾氣仲好臭檔添

都係我唔好, 好多時, 見佢地爭吵, 我就會同哥哥講

唉, 你讓下佢喇......佢咁細個, 佢好多野都未明架....

唔知點解, 大總係要讓細

其實咁樣真係好唔合理

但中國人社會, 唔知點解, 就總咁唔公平

於是, 細仔就更霸氣鳥

成日恥細蝦大

一唔合心意就大叫大喊

乜都要哥哥讓, 乜都要哥哥俾佢

今次, 數細佬數到呢度先喇.....

其實佢條友仔真係好鬼格衰架

不過, 幸好, 我係自己湊小朋友

能夠及早發現個衰仔0既格衰之處

而家, 正在對證下藥

希望細佬能夠慢慢獨立起黎, 慢慢改掉惡習啦!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!