朗朗魚魚龍舟水

今年0既端午節

鴻爸爸忙番工, 屋企得番我地三小口

本身, 係諗住帶兩隻仔落樓下沙灘游龍舟水的

然而, 望一望天上面火辣辣的太陽

再照照鏡, 望望自己成千上萬0既老人斑 + 雀班

游水0既念頭, 就立即消失啦......

正當諗住要宅足一整日0既時候

電話就突然響起黎啦.....

以恒一家, 打算去梅窩一日遊

問我地三小口有沒有興趣.....

諗左一秒, 仲係覺得, 自己想宅0者, 唔代表0的仔都宅架嘛

而且, 人地一家誠意拳拳, 多人一齊去又會好玩0的

於是, 兩家七小口就成團出發鳥!!!

好, 去相 

YEAH, 終於唔駛宅在家啦!!!

開心開心

多謝美怡你地一家0既邀請哦!!!

由我們家坐船到梅窩都不過係30分鐘, 又快又方便

終於到啦喂....

睇到個天都覺得熱呀.....

由碼頭行去沙灘, 雖然只不過係十五分鐘路程

但腳短又唔願行0既魚仔, 卻足足行了半個鐘耶......

又曬, 又熱, 又要扭抱.......

嘩....真係嘔血呀....

終於安頓好啦, 細B們玩沙

呵, 天不怕, 地不怕0既魚仔

果然唔係怕沙一族呀下!!!

玩左陣沙, 再落水游游

以恒似乎有小小怕游水

相反, 朗朗就游得幾好喎

我諗, 今年應該會學曉游水架喇

化骨龍即係化骨龍

玩左一陣之嘛, 就又要開餐喇....

最近, 細佬豬開始大喇, 開始識得同人玩啦....

而家見佢, 同以立有交流

仲愈來愈FRIEND添!!!

真係好呀....

以恒同朗朗, 以立同魚仔

四小無猜....

小休一陣, 再黎個槍戰

SUPER 開心, SUPER 好玩

魚仔人細手指短
槍都拎唔住, 最後成為眾矢之的!!!

雖然不斷俾人槍擊, 再槍擊

然而, 儍小魚卻欣喜若狂, 開心到死

及後, 小魚不支倒下.....

以恒爸爸就率領羣雄去打魚

呵, 真係捉到好多魚毛仔

YEAH.....

咁就玩左大半日

由於真係太曬太辛苦啦

最後, 仲係決定要快快閃人

下次決定要挑戰全港最靚沙灘 - 長沙 YEAH

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!