球迷爸爸的小小願望

話說早幾日

鴻仔同我講, 話自己見到個七, 八歲0既小朋友同爸爸有以下對話:

小朋友: 我覺得今晚西班牙冇得輸囉....

不過, 如果有十二碼, 千其唔好俾沙比阿朗素射, 佢成日都射失架

荷蘭0個邊, 雲佩斯應該俾人mark 到實一實架啦, 無得發圍架喇

鴻仔非常咁驚訝, 何解一個七, 八歲0既小朋友

可以對足球新聞如此熟悉

可以同爸爸講波, 講到對答如流, 猶如一個小小講波佬

睇得出, 鴻仔好羡慕人爸 ........

好羡慕人地兩父子可以一齊睇波, 一齊講波經....

大概, 每個球迷爸爸, 都有著同一個夢吧.....

都好想同阿仔們分享足球0既點點滴滴......

不過, 可惜啦,  朗朗魚仔仲細

同爸爸一齊談論足球, 應該係好遙遠0既事吧.....

同一日0既夜晚

我同鴻仔深夜三點

咬緊牙關, 捱住夜, 起身睇西班牙大戰荷蘭

嘩, 場波真係不得了, 不得了

節奏又快, 又多攻門, 而且, 非常咁峰迴路轉

點諗到上屆冠軍, 會俾荷蘭大炒5:1 架

鴻仔成晚一直替荷蘭吶喊助威, 又不時睇波睇到e嘩鬼叫......

可能, 實在太太太嘈喇

竟然將睡夢中0既朗朗嘈醒左

哥哥一醒, 連帶細佬都醒埋

於是, 我地就叫埋兩子一齊睇波啦.......

魚仔呢, 就一路睇波, 一路烚眼訓

反而哥哥呢, 就好有興趣啦!!!

雖然同阿哥睇波, 佢乜都唔曉, 乜都唔明

連比賽規則, 白衫藍衫, 邊隊打邊隊都唔知

但兩父子卻樂在其中, 鴻仔又好有耐性去逐一解釋

哈, 我諗, 不久0既將來, 或者下屆0既世界盃

朗朗, 魚魚同鴻仔大概已經能夠三條友仔, 三個杯面, 一齊睇波睇天光0者!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!