朗朗見家長

時間真係過得好快好快....

唔經唔覺, 又過左一個學年啦!!!

0係啱啱過去左0既星期六, 我去左見下家長呀!

今次派成績表, 感覺有小小壓力

唔係朗朗0係學校表現得差定好

而係, 老師見左唔係好耐

講完朗朗0既情況之後, 就同我講....

下年K2一開學, 就日日都會有功課啦

去到K2下學期, 仲要日日都寫字

0係呢個暑假, 老師要求我地要教定小朋友寫自己個名

學畫畫, 同埋要多0的練習下用計剪添.....

唉.....一聽到咁, 我就..........好擔心啦......

你知啦, 我地一向都好 Hea 下架嘛.....

而且, 我自己又一直都好反對, 斷送朗朗0既幼稚園生涯....

不過, 另一方面, 其實我都好明0既

如果下年K2, 唔好好積極加緊訓練

仲係無無謂謂咁過日子

去到K3時, 點考小學喎.....

同鴻仔爸爸傾過, 最後, 仲係決定向現實低頭

決定要修身養性

呢個暑假, 除左要專心學習畫線條之外

仲要教下朗朗認字, 寫字......

其實, 真係好矛盾

一方面, 又覺得小學之後, 暑假唔會再咁無憂無慮

應該趁住幼稚園階段, 要俾小朋友玩得盡興一0的

但另一方面, 又明白, 如果呢刻鐘人人都0係度努力時, 我地就hea過日子

 我知道, 不久0既將來,朗朗一定會成為被淘汰0既一群

雖然, 真係好唔願意要讓阿仔過著填鴨式0既生活

然而, 真係冇得選擇

因為香港0既教育制度, 就係沒完沒了的追追趕趕

我地0既社會, 本來就係咁, 汰弱留強

唔想讓自己0既孩子, 成為被社會淘汰0既一群

我地唯有跟著社會0既步伐黎行走

唯有乖乖接受老師0既建議, 每日都花一0的時間去溫習

對唔住呀仔, 未來0既日子

你再唔能夠好似以前咁, 日日都係玩玩, 同埋玩啦.....

無辦法啦, 個教育制度, 唔係我地能夠改變架

我地唯有改變自己啦!!!

路唔容易走架, 朗朗, 魚仔, 你地要加油呀!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!