一揪二之勇闖昂坪360

之前, 見到朋友以一敵二

帶住兩隻仔勇闖昂坪360

見到昂坪又有牛玩, 又有大佛睇, 感覺好新奇!

而且, 我又答應過自己

要俾魚仔多0的出去睇下外面0既世界

所以, 上上個星期六

就約好了以恒媽媽一齊去威鳥!!!

好, 去相

yeah, 終於到逹東涌啦!

呢一陣子, 陽光真係好猛烈

唔俾頂帽佢地帶, 都有小小擔心佢地會曬傷

今日好幸運呀

坐昂坪360 0既人唔多

以恒佢地未到, 唯有行行企企, 再周圍玩

有時, 真係覺得好對唔住魚仔架....

記得哥哥一歲鬆0的, 我就帶佢遊遍全香港

當年, 湊一個, 去邊都冇問題

相反, 魚仔出世之後

成日都擔心自己會湊唔掂兩個出街

結果, 讓魚仔成為宅男

今年暑假, 決定要帶佢地周圍去下

哈, 實呈真係好想帶佢地兩隻野去 camping 呀

不過得個諗字, 十劃都未有一撇

yeah, 人齊出發

第一次坐昂坪360

真係巧巧巧開心, 巧巧巧掁奮哦!!!

講真的, 比想像中0既好玩

亦想想像中0既舒服

雖然纜車冇冷氣, 但通風做得好好

一0的0的都唔覺得熱

而且沿路又見到機場, 又睇到小瀑布, 仲有大佛睇

大小朋友都好enjoy 哦!!!

美中不足係..... 今日天氣唔係好好.....

周圍都濛查查的....

兩個期待到逹終點的人

望到大佛啦.....

諗起黎, 對上一次黎, 都有成十年, 八年前啦!!!

過到黎呢樹, 真係有小小唔認得!!!!

估唔到惜日0既爛地, 今日居然成為小鎮一樣

多左好多配套, 又有自然中心

仲有唔同國家0既纜車供大家拍照留念

哈, 我最鐘意巴西纜車

呢部係奧地利纜車

兩隻仔幾咁神氣!!!!

哈, 估唔到天壇大佛居然有日式許願亭

咪講笑, 真係差小小以為自己去左東京0既雷門添呀!!!

從小鎮一直向前走, 居然遇上牛

近距離同牛仔一齊玩, 超過癮!

最後遇上古式山水豆腐花

梗係要帶小朋友見識下啦!

結果食到個個生鬍鬚, 鬥污糟

又污糟又可愛又搞笑

後黎, 入廟小逛一會兒

就向大佛say goodbye 啦!!!

本來plan 好會再坐巴士遊埋大澳架

不過兩個大人湊4個小朋友, 真係會筋疲力盡, 真係會俾佢地玩到嘔晒血架!

唯有下次, 等四位少爺仔大0的, 我地再挑戰過啦!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!