再見我的初戀........

我0既初戀係發生0係15歲0既冬天.....
當年.....被婆婆逼迫.....
要我去補習數學
我數學一直都唔叻, 曾經好憎好憎去補數架....
直到遇到佢....

我0既初戀.......
佢長得好高.... 架著一副眼鏡.....
望落去斯文得黎, 又帶點陽光
純情得黎, 又帶點不羈
哈..... 我對佢....老土0的講句..... 真係一見鐘情架.....

仲記得, 每次.....佢總會坐0係我對面枱
我好鐘意偷望佢好專心計數0既模樣
總係覺得, 佢專心起黎, 真係好型, 好型架.....

又記得, 當年自己真係好鬼姣....
每一次上補習社之前, 總係束到自己條校裙短一短
然後, 又會梳一條那些年最吸引宅男0既馬尾
誓要引佢注目.....
真的好想被佢注意到哦.....

我暗戀左呢個男仔足足有一年......
當時年輕.....真係冇表白0既勇氣....
幸運0既係
原來, 我暗戀呢個男仔0既同時
個男仔, 都一直暗戀著我.....
結果..... 有一日, 呢個男孩子放學時, 0係補習社樓下
向我遞上了一張表白咭.....
就係咁, 我地拍拖啦......


最後, 因為雙方家長反對
我地拍左拖唔夠兩個月, 就一拍兩散啦.....
一直都覺得有點可惜.......


上個星期......竟然偶然的, 俾我0係街度遇到初戀情人.....
嘩, 撞到0個下, 真係想尖叫......
20幾年冇見.....
依然係.....
斯文得黎, 又帶點陽光
純情得黎, 又帶點不羈


想問....點解....點解....
我最後嫁唔到俾佢....
點解, 又點解, 我最後會選上了佢.......

我0既初戀.......跟你一起也不枉......
多謝你曾經愛惜我....
我搵到我0既幸福啦
願你都會搵到你0既快樂.....

  HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度.... 

同我地做個朋友仔啦!!!! 

想了解最新韓國服飾, 請支持GILL仔ONLINE小店

LIKE 下我地啦!!!!!

https://www.facebook.com/pages/Studiocom/1514284038788236

鴻仔美食專欄之韓國美食

hi, 我係熊仔

上回gill仔講到我地兩個因工作關係需要每個月要去韓國幾日(其實不是歎世界, 而係捱世界)

去到首爾其實除左忙裡偷閒剪頭髮, 我地仲會周圍行四圍蕩揾好嘢食

講到食好嘢, 我就真係無乜太多心得, 點解

是咁的......食韓國嘢我都係近依一兩年先識欣賞

食韓國炸雞啤酒......查實我由細到大只識食kfc炸雞加可樂但我已經覺得係人間極品美食

食韓國芝士排骨.....我由細到大都係食豉椒蒸排骨大

食韓國壽司......對於我依個80後.....我諗三文魚壽司會比較適合我

既然講到韓國嘢咁唔啱我食, 點解我又會愛上

原因好簡單, 我為人就係咁, 人云亦云, 當每個人都話嗰樣嘢好味, 我就會跟大隊話好味

就簡短介紹下首爾有乜嘢好食

早排最hit 爆零食莫過於蜂蜜牛油薯片, 你喺ig打honey butter, 

基本上你會search到好多韓妹都會拎住包蜂蜜牛油薯片影相, 通常係咁影

遮住個鼻遮住個咀, 剩係露隻眼出唻

如果你要買韓國人成日喺ig影嗰個牌子, 講真, 去咁多次韓國我地仲未遇到, 

其他牌子, 食住先啦......我諗味道大概差唔多掛...........

我自己就幾鐘意食, 可能本身都鐘意食薯片, 加上又有蜂蜜味, 甜甜地咁又幾好味

喺韓國邊度有得買, 有士多, 有便利店就有得買

下次邉個想買, 你可以搭單叫gill仔幫你代購

甜品又有邊個美美唔鐘意......望到張相......我而家都流晒口水

如果你有留意下人地fb...ig ......你會發覺依兩樣甜品成日都會出現喺佢地相薄中

喺厚多士上面加一層厚厚的cream再加糖漿......唔駛講嘢......睇造型我已經覺得好好味.....我就係咁膚淺

再加上依杯士多啤梨沙冰.......嘩......真係要比心心眼

至於邊度有得食, 其實周圍cafe都會見到, 隨處都有得食

我地嗰次就喺明洞是旦入一間cafe食

我諗我最早認識韓國食物一定係韓國燒烤

所以, 點都要潮聖韓燒

依間韓燒店喺新村站附近, 近梨大嗰邊, 

喺韓國食韓燒, 我覺得最大的賣點係唔駛自己燒, 有啊芝媽服侍, 食殘廢餐.......正到呢

燒下豚肉牛肉都好正架

最後, 到朗朗推介依檔腸仔檔

朗朗連食左三日腸仔, 飲品係free

邊度有得食......我個fd話喺機場出市區搭邊架巴士, 

一定係搭6002, 依架巴士神奇啦, 你由機場去邉都可以搭佢, 新村, 明洞, 東大門, 你諗得到的地方都會經

而依檔腸仔檔就喺6002新村巴士站斜對面, 我都覺得超好味!!!

講住咁多先, 下次再推介韓國依排興食乜嘢, 有乜嘢必買item, 有乜嘢韓國謢膚品好用, 有乜嘢韓國服飾好介紹

  HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度.... 

同我地做個朋友仔啦!!!! 

想了解最新韓國服飾, 請支持GILL仔ONLINE小店

LIKE 下我地啦!!!!!

https://www.facebook.com/pages/Studiocom/1514284038788236

GILL 家玩轉太古「可口可樂」香港博物館

鴻仔自細就係神級可口可樂粉絲黎架喇

每逢番風落雨, 打邊爐, 打波睇戲, 佢總要有支可樂旁身....

一知道可以參觀太古「可口可樂」香港博物館

連平時懶於出席活動0既佢, 都居然舉晒腳, 話要預埋佢0個份喎....

今次參觀可口可樂博物館真係獲益良多

館內除左展示多款不同地區及年代的「可口可樂」珍藏外，更有不同展區和特色3D照相區，

讓我地深入認識「可口可樂」文化及其有趣的一面，

一次過了解晒呢個世界最知名品牌背後0既成功小秘密同重要0既歷史故事，

以及太古可口可樂香港在本地的發展。

好, 去相

呢日, 大會安排得好好呀

有專車0係九龍塘接送我地哦....

哈, 好耐冇見過Mancent

仲係咁一見如故.....

今次呢個旅程......細佬豬因為未夠秤......不能夠參加......

唯有我地三小口玩得努力0的啦  :) 

不消一會兒
我地已經到逹現場啦.....

大大個雪櫃, 滿滿的汽水

全部都係用黎招呼我地0架.....

飲飽汽水, ready to go.......

估唔到一推開倉0既大門..... 竟然望見咁震撼0既一幕....

真係呢一世女, 都從未見過如此多0既汽水架....

博物館門口的驚喜......

嘩嘩嘩....砌得好靚哦.....

一開始, 大會介紹可口可樂0既歷史

唔講唔知, 原來可口可樂係0係1886年出世架......

大我足足一個世紀咁滯呀......

然後, 睇睇可口可樂0既輝煌史

呢罐可樂, 你都咪睇少佢呀

佢係太空人飲0既可能黎架, 經過特別處理.....賣好貴添架.....

博物館周圍都好靚, 好多好多飲品

家下先知, 原來 bonaqua, minute maid果粒橙

仲有好多好多飲品, 都源自可口可樂公司架

接下來, 呢個真係巧新奇呀.....

其實之前都見過, 不過試就未試過啦.....

凝冰系列......

將枝氣水倒轉, 再掉番轉, 開蓋

咁0的冰就會浮上黎架喇

仲要勁夠凍....

打完波, 跑完步飲佢真係一流

哈, 連鴻仔都勁LIKE

後黎, 我地再上另一層參觀

原來, 又原來, 可口可能每分鐘 fill 2000罐汽水.....

真係巧勁.....

睇到左手面0的汽水樽嗎?

我個年代, 就係用呢個樽架喇....

80後的集體回憶吧.....

嘩, 今次先知, 原來而家可口可能係自己處理污水....勁

黎到呢度, 仲可以教小朋友循環再用, 環保環保

yeah, 去到我最鐘意0既環節啦.....

呢度可以欣賞「可口可樂」0既展品及珍藏品

呢個男人想點呢.....丁字腳.......

被困汽水樽

朗朗大愛老mc cross over 可口可樂系列0既精品....

mc記......果然係佢最愛.....

好多可口可樂靚車.....

玩得巧開心......

真的多謝可口可樂0既邀請!!!!!

參觀太古「可口可樂」參觀資料概覽

廠查詢電話：2636 7913

對象及收費: 免費接待學校及非牟利團體參觀

開放時間: 1月至5月 及 9月至12月 (逢星期一至五) 09:00 – 16:00 (需預約)

6月至8月 (逢星期一至六) 09:00 – 16:00 (需預約)  

太古可口可樂香港觀景廊

位於太古可口可樂香港沙田廠房 5 樓及 7 樓,佔地兩層,共劃分為 5 大主題區:

- 歷史回顧

「可口可樂」在香港的歷史及太古可口可樂廠的今昔對比

- 市場優勢

運用多元化飲品創作而成的維港景觀

- 創意無限

「可口可樂」的創新發明及「可口可樂」潮流紀念品專區

- 飲得聰明‧飲出健康

認識水分對身體的重要性及補充水分方法,破解常見的謬誤

- 綠色生活

了解不同年代的飲料包裝演變,飲料包裝物料循環再造及污水處理介紹

  HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度.... 

同我地做個朋友仔啦!!!!