壞消息

出發前0既呢一日

我地收左一個極唔開心0既消息呀

就係..... 哥哥間學校決定唔收細佬豬呀....

講真呀, 其實, 我都好明點解學校唔收細佬0既

但係, 知道事實0既0個一0下

真係好接受到唔現實囉

我直情呆左, 乜心機都冇晒呀.....

細佬豬

其實, 你並唔係咁差0架咋

只係媽媽做得唔好

成日都冇好好咁教育你

讓你乜野都唔識, 乜野都唔曉

你要加油呀!!! 今年如果真係冇學校收, 都千萬唔好放棄!!!

我地要積極備戰, 下年考K班時

一定要證明俾所有人睇

細佬, 你係得0既!!!

媽媽, 會好努力, 你都要加油呀!!!

BTW

細佬, 哥哥

雖然爸爸, 媽媽而家身在遠方

哈, 我諗, 呢一刻鐘, 我地大概係0係英國吧

我想話你知, 無論我身在何方

都會好掛住, 好掛住你地兩隻仔0架

過多幾日, 我地又見喇

呵..... 諗起相聚, 媽媽又忍唔住偷笑喇....

HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!! 

哥哥戒夜尿

今日, 我正式宣佈

我地家大少爺朗朗豬

終於戒夜尿成功喇

yeah....鼓掌鼓掌....

嘩, 呢單野...真係經歷左幾乎三年零八個月咁滯呀....

每一日, 都係有血有尿0架.....

你地都唔知有幾多個戒夜片0既晚上

我半夜三間, 起身換床單....

不過咁, 想當年0既壯烈犠牲, 

果然, 並沒有白費0架!!!

又分享下我0既戒夜片心得先

其實, 人人都唔同0架

我識好多, 尤其係女仔, 真係話戒就戒到0架喇

但係我個仔呢..... 唔知係天生賴尿狂, 定係天生爛訓狂呢

真係超超超難戒呀

想當年, 試下隔住條底褲著片訓

賴到成身濕晒, 條友仍然闊佬懶理, 繼續訓得好安詳

又試過搵佢最驚0既e丈兇佢

然而, 講到訓, e丈都變魚腸

真係采我地都有味

總之, 就我有我兇佢, 佢有佢繼續賴v

初時, 因為未有經驗

成日都驚叫佢疴夜尿, 會整醒佢

又驚佢醒左唔肯訓番

總之, 因為未經歷過, 就乜都會驚一餐, 擔心一餐

後黎, 發覺唔掂, 唔叫醒佢疴

真係唔會戒得到夜尿

唔通六,七十歲都仲著仲尿片訓咩?

於是, 把心一橫, 仲係決定要叫佢疴夜尿

最後, 持續左大半個月

終於, 終於攪得掂喇

而家, 我地晚晚臨訓前, 叫佢疴一野

就一定唔會出事喇.....

哈, 而家真係好呀....

我地再唔駛為哥哥買尿片喇

真係年終都慳唔少呢!!!

好, 去相

話說, 上星期0既某一日

我地帶左朗朗同魚仔去海港城睇米奇賀聖誕

點知, 差唔多到逹之際
細佬竟然訓著了!!!

到逹現場

哥哥超級勁開心

逐棵聖誕樹影相

淨係樹咋, 都影左十幾廿張

估唔到會遇上胡廸

早知, 幫朗朗著住胡廸衫過去喇

又黎聖誕樹........

真係好一個米奇迷

最衰, 細佬訓左喇

如果唔係, 佢一定都會好開心0者

其實, 我地年年都會黎海港城潮聖架

屈指一算, 原來.......

黎海港城渡聖誕, 已經有成8年啦

總覺得海港城0的裝飾好靚

今年, 原先爸爸話唔帶我地去睇燈飾0架

帶住細佬豬, 真係好怕迫人

不過, 我知道今年係 Mickey 之後

極力為對仔爭取, 終於, 終於可以黎潮聖喇

見阿仔影相影得咁開心.....

迫得辛苦, 我都願呀, 哈哈

HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!! 

小別兩兄弟

呵呵.....

又去到一年一度兩公婆蜜月之旅0既時候啦

其實, 今年本來都打算放棄去威0架喇

一來, 鴻仔話唔太捨得對仔, 二來, 其實工作上都好忙, 未必走得開

點知, 上兩個星期二

國泰FANFARES 殺我一個措手不及

突然推出 $50 去米蘭喎

嘩嘩嘩, 想去歐遊好耐0架喇, 點能唔尖叫, 點能唔撲飛呢

0係呢度, 真係要多謝二叔二嬸0既配合

多謝你地0既成全哦.....

哈, 因為時間好緊迫

上星期訂票, 下星期就要出發

從未去過歐洲0既我地, 要搵酒店, 又要PLAN行程

所以, 呢整個星期, 忙到BLOG都寫唔到咁滯

講番哥哥同細佬先

同哥哥講話自己去旅行時, 個心都好擔心

好驚佢喊苦喊忽, 唔俾我地兩老遠走高飛

點知, 爸爸兩三下功夫咋, 就 K.O. 左佢啦

爸爸: 我同媽咪去旅行喎....

哥哥: 我又要去......

爸爸: 你要番學嘛, 下次你放假先去喇....

哥哥: 不如咁, 下次等我放假, 我地先一齊先去喇

爸爸: 唔緊要啦, 我買好多好多朱古力俾你呀

哥哥: 哦...... 好多好多, 好多好多0架.....

細路仔真係易氹..... 哈哈

至於細佬呢, 條友儍豬豬咁, 乜都唔知, 我地都冇交待過呀

仔呀仔, 我地去玩喇

會掛住你地0架
記得要聽婆婆話呀!!!!!

HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!! 

朗朗魚仔聖誕收大禮@玩具反斗城

wow.....就快又到普天同慶0既聖誕節喇....

今年真係要多謝玩具反斗城

佢化身成為 gill 家0既聖誕老人

為兩隻反斗王送上聖誕禮物, 開心開心!!

好, 去相

先睇睇細佬豬0既聖誕禮物先

YEAH,細佬收到 V-Tech 歡樂學行車系列

售價：港幣 $399.9

(星卡會員價：港幣 $299.9)

呢部學行車係玩具反斗城0既15大熱門玩具之一黎0架

細佬超超超鐘意呢

除左可以學行

仲可以俾小朋友彈下琴, 學下形狀

訓練細佬豬0既小手肌肉一流

細佬最鐘意就係佢0的音樂

有時, 聽聽下

會自己走去跳舞添0架

可能細佬自細都係痴哥哥0既玩具黎玩啦

第一次擁有自己0既玩具

細佬真係好開心

仲玩左一整個下午哦

好,順帶一提

「星卡」會員專享多重購物獎賞

雙週瘋狂勁減

星卡會員可享多重購物獎賞，即日起至11月30日期間在玩具 “反” 斗城及寶寶“反”斗城專門店購物，可獲反斗有錢Fun優惠；而由即日起至12月16日，星卡會員更可専享雙週瘋狂勁減，以超值價選購精選玩具。星卡會員更加可以帶小朋友參與店內的願望成真活動，有機會赢取神秘聖誕禮物！

由11月5日至12月31日，全線玩具“反”斗城及寶寶“反”斗城專門店將設有「願望郵箱」，星卡會員的小朋友只需於願望卡上填上最想擁有的玩具及原因，並投入玩具“反”斗城及寶寶“反”斗城專門店的願望郵箱，聖誕老人會選出20個最有趣的願望，並送出禮品一份。願望卡已隨聖誕宣傳單張郵寄給星卡會員，而小朋友只要把願望卡的綠色部分剪下來，交到各分店的顧客服務部，亦可獲得精美禮品一份。



輪到哥哥豬喇

哥哥收到一隻CUTE CUTE Furby Boom

而家0的玩具真係好堅呀

呢隻 Furby Boom 係可以連接I-PAD玩架

非常咁簡單, 只係需要0係APP STORE下載就可以啦

呢隻小 Furby Boom

真係好鬼火過癮0架, 我稱之為-現代版他媽哥池

小朋友可以幫佢洗白白, 疴POO POO,餵佢食野, 陪佢玩

哈, 哥哥大個仔喇, 要學下點樣照顧人啦

唔好話哥哥呀

細佬豬都勁鐘意囉, 成日痴住, 要一齊玩

又幾好0既, 佢地湊完 Furby Boom

就知原來媽媽湊佢地咁鬼辛苦, 哈哈

0係呢度, 再一次多謝PR姐姐同玩具反斗城

我對寶貝仔, 大愛你地送0既禮物哦 !!!

係喎, 差小小忘記左講

今個聖誕  願望成真

由11月5日至12月31日，全線玩具“反”斗城及寶寶“反”斗城專門店將設有「願望郵箱」，星卡會員的小朋友只需於願望卡上填上最想擁有的玩具及原因，並投入玩具“反”斗城及寶寶“反”斗城專門店的願望郵箱，聖誕老人會選出20個最有趣的願望，並送出禮品一份。願望卡已隨聖誕宣傳單張郵寄給星卡會員，而小朋友只要把願望卡的綠色部分剪下來，交到各分店的顧客服務部，亦可獲得精美禮品一份。

問朗朗今年最想要乜野玩具啦

哈, 佢真係好錫細佬0架

佢話想要部滑板車俾細佬喎.....

盲字都唔識多隻0既朗朗

學人寫願望

最後, 咪又係要媽媽幫拖

星期三0個日, 終於有時間帶晒兩隻仔去玩具反斗城

哈, 呢個就係願望郵箱啦

可以將自己0既願望, 話俾玩具反斗城0既聖誕老人知

大小朋友都開心

希望小朋友們願望成真啦

聖誕快樂

:)

 以下, 再有些小玩具反斗城0既資訊

有關玩具“反”斗城

玩具“反”斗城齊集全城至新奇至益智至熱賣的玩具，種類多元化，應有盡有，為全年及各個節日，提供選購玩具精品的熱點。玩具“反”斗城於尖沙咀海運大廈、沙田新城市廣場第三期、銅鑼灣皇室堡、又一城、太古城中心、將軍澳新都城商場二期、中環盈置大廈、屯門市廣場一期、黃埔花園11期、香港仔中心二期、荃灣愉景新城、大角咀奧海城3期及九龍灣Megabox均設有分店。

有關寶寶“反”斗城專門店

寶寶“反”斗城專門店是玩具“反”斗城旗下的嬰幼兒用品專門店，透過來自世界各地的品牌，為兩歲或以下初生嬰兒的父母以及孕婦提供一個全面的購物空間，並熱切地關心所提供產品的安全性及服務品質，承諾讓嬰幼兒們身心健康。專門店共設八大主題區域，包括「服飾」、「睡寶寶」、「沐浴」、「遊戲 / 玩具」、「閱讀」、「外遊」、「禮物」及「餵食」，滿足嬰幼兒們的各樣需要。 寶寶“反”斗城專門店於將軍澳PopCorn及尖沙咀iSQUARE 國際廣場設有店舖。

延長營業時間

為方便大家享受聖誕購物的樂趣，玩具“反”斗城及寶寶“反”斗城專門店於12月1日至26日期間，各分店的營業時間將會延長至上午十時至晚上十一時。

HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!!