細佬考幼稚園

真係超級勁勁勁爆咁傷心呀!!!!!

0係啱啱過去0既呢個星期六, 細佬第一次出征去考幼稚園!!!!

可能太冇準備啦, 亦都可能太輕視個 interview 啦

所以, 真係考得好差.....

有小小覺得, 慚對細佬呢....

仲記得, 0係哥哥考兩歲班前

我每日都捉阿哥練習

仲0係考試前, 教曉佢乜野係same 添

反而今次細佬考試....

可能我有小小衰啦, 覺得坐定粒六

諗住阿哥0係度讀, 細佬唔多唔少都會有優先啦

所以, 乜都有幫過細佬準備

去到先知奶野.....

嘩, 而家至知, 好多小朋友未夠兩歲

原來已經識晒 a - z, 1 - 10

總之, 0的對手就係勁到嚇死你啦

咁細佬又係衰0既, 成日都好似啞巴咁

成個過程, 一個字都唔肯講

成個group interview, 8 個小朋友, 得佢一個冇開過金口咋

所以, 有阿哥0係度讀, 真係唔係大晒0架

而家個世界, 知識就是力量

考唔考到, 諗都諗到啦....
(後來, 個老師見細佬乜都做唔黎, 眼尾都冇望過細佬添呀.... 傷心呢....)

而家, 真係堅慌張

因為, 我最後, 只係替細佬安排左哥哥間學校同另一個幼稚園

咁呢間都衰成咁, 下一間, 我都冇十足0既把握囉

我諗, 今次細佬真係冇書讀啦

好好好傷心呀.....

不過話時話呀

我真係估唔到, 原來哥哥兩歲班學梗0既野

而家, 一歲鬆0的0既人仔, 好多都已經識晒

真係太太太誇張喇


番到屋企呢兩日
我不斷在反思
最後決定要幫細佬惡補


好, 去相


話時話呀
其實, 細佬真係好唔掂檔

形狀遊戲幾本上個個同齡小朋友都識0架啦

但佢仲係未掂

入到個圓形, 就沾沾自喜, 

以為自己好了不起

入埋個正方形, 就走去拍爛手掌

以為自己辦了大事, 差小小要攞埋諾貝爾

頭0個兩個, 係威係勢

之後0個兩個, 就點攪都攪唔掂

其實我唔介意你攪唔掂呀

但 interview 時, 0的考官會介意嘛

呢條友, 做唔掂都算

成日都行行企企, 0個日考試又係咁

做兩野, 就做走佬俏佳人

結果...... 呢個野封晒塵

話佢兩句, 就扮書生

以你咁0既樣, 書生??????

真係有0的嚇人.....

而家都冇辦法0架嘛

如果, 真係冇人肯芹細佬

唯有0係樓下0的村校讀住先啦

希望下年 K1 能夠考到間好學校啦

HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!!