最近攰攰攰

最近, 有朋友問我

點解上兩個星期咁小寫 blog 0既????

係呀, 真係好過意唔去呀

不過, 我真係超超超勁攰呀

BLOG, 真係維持唔到日日寫了

事緣, 細佬豬呢排唔知做乜

朝朝都五點三, 好準時就狂喊要起身

為左唔好整醒阿哥同爸爸

我於是, 日日五點, 就要捉佢出廳玩

講真呀, 我真係唔係金霸王黎0架

朝朝五點起身, 直踩到八點, 如果要寫埋BLOG, 再同鴻仔同步訓

就只可以一點訓到五點, 一日訓四個鐘.....

實呈, 真係唔係好頂得順囉.....

就係咁, 呢兩個星期, 

我晚晚都同朗朗同步上床

有好多晚, 真係一覺訓到大天光

希望, 遲下, 可以幫細佬改下時間上床

然後, 大家都可以有小小好日子過啦



好, 去一去相


今日
好開心呀, 爸爸好生性呀!!!!

居然帶阿仔落公園玩!!!!!

對其他爸爸黎講, 陪囝囝去玩
可能係理所當然0既事

但對我家鴻仔黎講

簡直係苦差

識得我地耐0既BLOG友都知
其實鴻爸爸一直都好憎小朋友
以前, 佢離遠見到朗朗, 已經會好驚到打晒冷陣0架喇, 
到我話想生多個時, 佢仲抑鬱左三年零八個月添

有一段時間, 佢放親假, 就會逃避我地三小口
然後, 自己一個鼠去睇戲

可能阿仔開始大喇, 又可能人非草木吧
而家, 爸爸開始錫對仔喇, 哈哈

爸爸, 好開心, 你一直在進步
見到你一日比一日愛對仔, 我真係好開心哦

其實, 你的努力
我係見到的

願望, 有一日, 你會再接受多0的細佬豬

呢段時間, 或者細佬只係不懂表逹, 先會成日喊喊喊0架咋

大下大下, 佢應該都會好好多

講真呀, 其實細佬真係好可愛0架, 成日笑笑口咁

加油呀

我地三母子都好愛你0架

HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!!