大個仔係朗朗

唔經唔覺, 朗朗就快4歲啦!

呢一年, 我覺得佢長大左好多.....

仲記得, 啱啱去故事會時

Jethro 猛咁叫朗朗同佢一齊坐, 聽故事

朗朗點都唔肯就範

係都話要痴住阿媽, 要同媽媽一齊坐

尋日, 朝早坐巴士番學時

哥哥居然同我講以下呢番說話

朗朗: 媽咪, 我想坐你大脾

gill: 咁大個仔, 仲係咁嗲, 係都要坐媽咪大脾0既!!!

gill: 係呢, 如果你個 Jethro 0係度, 你仲會唔會坐媽咪大脾仔呀???

朗朗: 我好鐘意我0的 friend 0架, 佢地0係度, 我會同佢地坐

一聽到呢度咋, 我就忍唔住, 好傷心啦

原來, 不知不覺間, 哥哥已經到左呢個階段

開始, 有自己0既朋友, 自己0既生活, 自己0既圏子

開始, 可以離開媽媽0既懷抱

我0係度諗, 可能未到中學咋

個仔就會成日出街, 唔痴家喇.....

不過, 說實的, 我亦希望你獨立

因為, 自細, 你就係一個裙腳仔

無時無刻, 都總要痴住媽媽

有一段時間, 你仲成個毒男咁添

叫你落公園玩, 你就同我講: 我唔鐘意落街, 我想留0係屋企玩

而家, 見你同朋友一齊

開開朗朗咁0既樣, 我都好恩惠

願你快快樂樂的長大

我永遠都咁愛你, 細佬豬同爸爸0架


好, 去相
睇下哥哥朗點樣大個仔先


話說, 某個下午
一個超肚餓0既哥哥 + 一個極肚餓0既細佬

我屋企, 其實出名係冇乜糧餉0架

呢日叫好好采, 竟然意外地, 仲有一小包百力支

於是, 一包支支兩份分

試問, 一包支支, 又點能夠滿足兩個大食積呢.....

一食完之嘛, 就齊齊爆喊, 以示不滿

見到此情此境, 大家唔駛為我擔心, 因為屋企幾乎日日都係咁, 

練得一身好功夫0既我, 根本冇俾佢地嚇窒到

哈, 仲有空閒時間同佢地影相添!!!!

 

哈, 肚之嘛

有冇咁淒涼呀????

個樣巧巧巧可憐, 好似真係冇餐溫飽咁款

轉個頭之嘛, 大個仔0既哥哥就想出妙計

決定要自己開奶奶添

(細佬豬身手真係幾敏捷, 一秒前, 查實佢仲坐左0係樹喊梗

一秒後, 見到哥哥稍有動作, 就立即標左過黎喇, 勁敵)

哥哥率領細佬, 齊齊開奶奶

兩兄弟其利斷金

為左食, 呢個細佬, 完全無懼

學人擒高擒低添呀......

哥哥開奶又似乎開得有文有路

不過, 就有小小論論盡盡囉

OOOOOO....成枱都係白奶

YEAH, 成功開左支又香又滑0既意式特級香濃奶奶

終於, 兩隻野收晒聲

HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!!