2014年12月30日星期二

這個聖誕真太忙

正常0既生活, 將要重回正軌了
這個聖誕節, 真係活得非常咁精采
我地日日都玩玩, 同埋玩....真係開心到飛起

好, 去相

話說, 聖誔節前夕
某一朝早, 突然發現....
聖誕樹被加料鳥.........睇到0個下, 真係忍唔住, 卜一聲笑左出黎
邊有人會將自己吊上聖誕樹架, 真係大吉利是呀.....



聖誕第一擊
我們家同 Kastre ee 去左一次 camping
雖然遇上好壞0既天氣, 但大家都尚算玩得開心



camping car 似乎大受歡迎
唔少親朋戚友都問我攞資料
以下係佢地0既facebook, 大家可以pm佢地, 直接同佢地book車



出 camp 0個日
天氣勁凍, 冇得 outdoor activities 
唯有轉戰 playroom.....


上山下海,近年0的playroom真係愈黎愈好玩鳥。。。。。


之後某日,同阿仔去左海港城整羊咩咩cupcake


另外,呢個假期,同阿仔佢地睇過兩套電影
大英雄聯盟+柏靈頓
小朋友都睇得異常咁興奮
最近,哥哥迷上醫神,細佬愛上柏靈頓
話時話,呢兩套電影,真係幾好笑,
唔好話小朋友,我諗連大人都會鐘意睇,值得推介


然後,12月24日
同對仔去左瘋狂喪玩
咪講笑,We 嘩!冬日充氣嘉年華真係小朋友恩物
兩隻仔玩得超開心
遲下再發文給大家分享一下



至於普世歡騰0既聖誕節當日
真係好開心哦
仲係第一次同我地個妹妹去街街
我地中午去左element
晚上去了鴻仔朋友屋企開P


element佈置得超靚。。。。大愛大愛。。。



然後,去到boxing day
梗係輪到約我最親愛0既閨蜜出黎啦。。。
從高中到現在,感激你地一直在我身旁。。。。
愛死你地。。。。


今年呢個海鮮邊爐夜真係超級爽
特別鳴謝契姐哦,千里迢迢0係外面搬0的飯餸入黎,辛苦晒啦!!!


然後尋日,我一日趕兩場,超級忙碌
早上約左朗朗0既同學開party
一直以黎,都好少同朗朗0既同學聯誼
今次相約0既,都係青蛙組0既同學
人少少,不過大家都好happy
熱切期待新年之約

去到晚上,出席了阿膠0既婚禮
仲記得,想當年
阿膠係見證住我同鴻仔相識0既
佢睇住我地拍拖,結婚
終於黎到今日,我地見證番你結婚啦
記得要愛錫老婆哦。。。
願你們永遠幸福。。。祝福你地。。。 





呢個聖誕真係忙忙忙
不過忙得黎,都真係好充實,好開心
好快又會踏入新0既一年
祝大家新一年開開心心,幸福甜蜜


HEHEEE…
我地最近開左個 FACEBOOK 專頁呀
大家可以 CLICK 一 CLICK 呢度
再 LIKE 一 LIKE 0個度....
同我地做個朋友仔啦!!!!




2014年12月28日星期日

Gill 家大戰Camping car

自從暑假同過0的仔去過 camping 之後
我就一直念念不忘, 一路都想再搞多次
適逢一次, 睇到 blogger 芭比介紹塘福露營車
見到裡面0的設施都尚算幾齊全
於是, 就同 Kastre EE 齊齊作反
密謀整多次 camping 大作戰
日子, 就選0係鴻仔生日0既翌日
諗住, 俾佢一個意外驚喜, 同佢去開心開心一下.....


好, 去相


講真, 呢次真係殺鴻仔一個措手不及
佢萬萬估唔到, 我地會搞埋晒0的咁0既野黎替佢慶祝生日
呢獲野, 佢真係驚....多個喜....哇哈哈....


呢日, 係哥哥學校聖誕party
一放學, 我地就趕住入去啦....
大家都超級勁爆咁興奮


入到去, 已經天黑喇.....
呢日, 天氣真係凍到不得不得了
黃昏時份, 仲居然落起雨黎添....


原先, 我地已經買晒碳
諗住同小朋友齊齊bbq.....可惜, 天宫不造美......
唯有寄望下一次啦.....


bbq 不成
最後我地決定黎個沙砵沙砵夜
幸好, 呢度0既設備都好齊全
有晒刀叉碗碟, 爐頭焗爐
加埋我地0既廚神 Kastre ee, 
真係能夠將一切無可能, 都變成為有可能鳥, 哈哈


不消一會兒, 原先拎黎bb蕉0既雞翼, 已經焗好啦
香噴噴, 爆好味....YEAH....


多謝 Max 爸爸哦.....
又蠔又白酒....仲為我地炮製沙砵沙砵.....
真係超級開心呀......


一枱食物, 我地唔客氣啦......




雖然, 只能困在車裡
但係食下, hea 下, 再玩下, 都已經好開心


Kastre ee 真係好勁
帶左好多野過黎俾小朋友消遣
讓悶在車中0既佢地, 都叫有0的細藝.....


車子雖少, 但係卻有兩張床
而且, 軟淋淋, 都ok舒服架!!!!
呢晚有覺好訓!!!


黎張大合照先.....
哈, 一大班人一齊去camping, 真係有講不出的快樂哦......


美中不足係.....繼 Max 爸爸因工事離開營地之後
竟然, 去到十點鐘.....鴻仔爸爸發現自己冇帶眼鏡+con水
一樣要自行早退......真叫人失望哦......
(都唔知條友係咪專登架.....  >.<)


最後, 得番我地兩個媽媽, 三個細路........慘慘.....


相對棕櫚灘0個次, 呢度真係舒服好多
大家都訓得好好! 個個一覺訓天光......


第二朝賴床情況.........


Kastre ee 真係旅行居家必備
有佢就有好野食.......


呢一朝, 仲係落梗雨
天氣特凍.....


不過, 黎到呢度
唔想一直悶在車中
最後, 決定出黎走走


車外一片草原
仲有一個好啱小朋友0既公園仔添


真係服左佢地
凍成咁, 又大雨成咁
都仲可以你追我逐, 玩咁耐......


我同 Kastre 梗係唔會同佢地顛啦
留0係車裡面取暖, 嘆咖啡好過, 哈哈


後黎, 又同佢地影下相


留下倩影.....


再無無謂謂咁......


十二點, 頂唔順寒冬
最後決定提早走人
下次啦..... 希望下次天氣好, 訓完一晚, 
希望可以帶小朋友 hiking, 然後再去大澳行下市集......


不過呢架camping car 真係超難 book.....
唔知幾時先再有機會同佢再續前緣呢.....




HEHEEE…
我地最近開左個 FACEBOOK 專頁呀
大家可以 CLICK 一 CLICK 呢度
再 LIKE 一 LIKE 0個度....
同我地做個朋友仔啦!!!!

2014年12月24日星期三

鴻仔生日飯2014

每年12月對我同鴻仔黎講, 都特別有意思的
12月15日係我地0既結婚紀念日
而12月17日就係鴻仔0既生日

兩個人由結婚到現在
不知不覺, 已踏入第六個年頭
愛情亦不知不覺間, 昇華到另一個階段
還記得
頭幾年的結婚紀念日, 我倆都會好好的, 賀一賀佢
會買禮物氹下對方, 會去食下好野, 會去拍下拖仔咁
不過, 或者太多年啦
又或者, 係我衰啦, 好似鴻仔話齋, 我份人真係太冇趣味啦.....
近呢兩年, 我再冇送禮物俾鴻仔
今年結婚紀念日當天, 我們甚至沒有一起吃飯添.....


為左俾番小小浪漫鴻仔, 等佢覺得我份人有趣味小小
0係鴻仔生日當日, 我為佢預備了一餐BUFFET
原先係打算同佢拍拖去尖沙咀食 Cafe East 
點知, 睇完食評......不得了........
點會咁架...........6歲樓下0既小童, 竟然係費用全免....
兩個人價錢, 四個人去食.....抵到咁.....
叫我點捨得只同鴻仔去二人浪漫呢......
於是, 我又再一次不懂情趣的, 打算帶埋兩隻仔去狂擦一餐
成件事, 真係激死了鴻鴻, 哈哈.......


0係鴻仔生日前一晚
佢終於忍唔住開金口
同我講..... 其實, 佢今年0既生日願望, 係生日正日, 全日都見唔到對仔....
講真, 我心裡面係有小小難過的
我覺得阿仔佢地, 其實都想同爸爸賀生日
但係, 爸爸0既想法, 居然係咁......


不過, 我都明0既
湊住佢地去食飯, 成日都滾水碌腳咁
一路食, 又要一路搞佢地食野, 又要安撫佢地情緒
成日都食而不知其味咁....有邊個想呢!!!!!

於是, 我都尊重佢0既生日願望
叫左婆婆睇住兩隻仔, 自己兩個出去二人世界


原先, 仲係諗住去Cafe East
點知, 原來生日0個個原來想食放題多0的
於是, 連行程都改埋
最後, 食旺角樂天大喜屋不過, 
幸好冇食BUFFET咋.....
鴻仔食得咁鬼少, 帶佢出去食自助餐, 真係好鬼唔抵....
算啦, Cafe East 就留番我生日先食啦
到時一定要預埋兩隻仔0者, YEAH!!!!!


其實, 可能魚生0既新鮮程度同中環大喜屋係差唔多
不過, 我份人總係先入為主
總覺得中環正店好味0的
不過, 真係要讚佢0的蝦, 鮮味到不得了
我一個人食左十隻以上耶!!!!!


不過, 講到環境
當然旺角分店好好多啦
始終地方夠大, 唔會好似中環咁迫
而且所有野都好新淨


樂天蠔仔餅
呢個係佢地最新推介來的
味道其實都OK的
不過, 我個人仲係鐘意港式蠔煎蛋多0的


呢個極品煮鮮鮑
賣相極其吸引
不過, 個人覺得冇乜味道可言


呢個亦係推介之一
黑松露帆立貝小酥盒
我頗鐘意佢個酥皮喎, 而且夾帆立貝, 感覺好特別, 好得意, 讚!!!



其他壽司水準都唔錯!!!!
其實, 大喜屋0既放題, 一向都叫幾有水準

  
呢個真係好脆......又唔會太油
大愛大愛!!!!


一向好鐘意佢地0既燒菠蘿
又甜又多汁, 正!!!!
另外, 仲食左好多野, 牛柳粒, 雞翼都好正
不過就忙住食, 唔記得影相
其實, 放題黎講, 大喜屋0既熟食真係好唔錯
選擇又多, 水準又高.....


恭喜你, 鴻仔......
呢餐生日飯, 你終於可以食得清閒.....
可以慢慢的享受一頓飯啦!!!
祝你生日快樂, 並祝你早日接受到對仔啦....
其實, 佢地都唔係咁差勁0者
而且, 佢地兩個都好錫你架.....
願你地0係末來一年, 能夠相處融洽
我愛你地!!!!!


HEHEEE…
我地最近開左個 FACEBOOK 專頁呀
大家可以 CLICK 一 CLICK 呢度
再 LIKE 一 LIKE 0個度....
同我地做個朋友仔啦!!!!