Paddington 柏靈頓

多謝 Yes-Parents.com 0既邀請

0係啱啱過去0既星期六

我們一家四小口去左北角新光戲院睇Paddington 柏靈頓呢套電影!!!

細佬自出世以黎, 仲係第一次去睇電影

初初我都好擔心佢睇睇下, 話要走人

點知佢又OK喎, 仲鐘意左電影裡面個 bear 主角-柏靈頓添!!!

呢兩日一直都同我講: 我好鐘意睇戲, 好鐘意 bear bear哦......

細佬今次睇電影表現良好

我諗, 以後睇電影, 真係可以預埋細佬0個份添喇, yeah!!!

講番柏靈頓呢套電影先.....

其實, 當初 Yes-Parents.com邀請我時

我睇一睇部戲名, 真係有小小想拒絕佢地架.....

哈, 個名真係一0的都唔cute......冇乜吸引力.....

不過, 睇完電影預告片之後

就深深地被吸引著了

俾大家參考下

http;//goo.gl/CVS9ky

電影講述一隻來自祕魯深山0既小熊

遠赴英國, 尋找探險家, 尋找一個新0既家

後來, 卻意外地被怪家庭---布朗先生一家收留, 展開新生活

成個故事,其實都幾引人入勝架

布朗先生由當初, 一0的都唔想收留柏靈頓

到後黎, 日久生情, 仲有小小鐘意左柏靈頓添

可惜, 好景不常

柏靈頓呢隻稀有品種0既bear bear

被博物館的動物標本蒐集員Millicent 睇中

並想將佢變成館內0既標本!

成個故事會發展成點, 0係呢度賣個關子

想知, 就入場睇下啦, 哈哈!!!!

好, 去相

仲係第一次帶晒兩隻仔一齊睇電影

真係超級開心呢, 哈哈

說實的, 我仲係第一次去新光戲院

聞明不如見面!!!!

果真好古舊, 好有味道0既一間戲院

男界哦......

呢個年代, 仲邊有厠所用男界黎形容架.....

真係好正0既戲院哦!!!!!

小影左幾張相, 就開場睇戲啦!!!

其實成個故事都幾緊張刺激

要搞笑, 有搞笑

要緊張, 有緊張

要溫情, 亦有溫情

真係勁啱大小朋友一齊睇

聖誕節, 要搵節目的話, 不妨去睇睇!!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!