朗朗的邪惡蛋糕

真係好耐, 好耐冇見過表姐0係我地個 blog 出現喇...

呢一兩年, 表姐仔似乎大喇.....開始有自己0既生活

今年升上了中學之後, 生活充實左好多

基本上, 0係學校, 一至日都會有活動

mmmm......忙到, 連我地想約佢, 都約佢唔到呀..... 

今年, 朗朗生日會,

好榮幸, 我地邀請到表姐黎到我們家, 同我地一齊賀....

冇見表姐一段時間, 真係覺得, 表姐大左好多

而家0既佢, 再唔係小朋友

已經係亭亭玉立0既一位少女啦.....

而家0既佢, 再唔似以前咁, 會陪朗朗無無謂謂

只會好似時下年青人咁, 每分每秒玩住電話, 同死黨chat chat

呢個年紀0既表姐, 彷彿就好似一個大人一樣

會同我地講下生活事, 女校祕史, 女兒家心事

哈, 0個日, 我，Kimmy 姐姐, 契姐加埋表姐

真係四個女人一個墟.....個個都幾乎笑死當場。。。

講真呀，我實在好享受咁樣同表姐相處 
同佢傾計，真的覺得自己都年輕埋
見到佢，就發現。。。年青係有幾咁美好。。。

亦不禁。。。讓我懷念著年少時０既自己
諗起當年自己幾咁反叛，幾咁年少輕狂，不顧後果
ｍｍｍｍ。。。。真係好懷念那些年哦。。。。。


表姐，給你寄語
記得要好好抓緊青春呀。。。
人生真係冇幾多個十年，要好好把握現在，讓自己有美好的回憶
更加緊記，雖然，有０的野，而家你覺得看似很美好
但話你知，十年後，你會發覺呢一切只係煙花一樣，一刹那就會完結
認真讀書，最後得益０既，就只會係你
加油加油呀！！！！
趁你有本錢，要好好享受青春哦。。。
好似我咁，人老豬黃，做左師拉，想享受都享受唔到青春呢。。。


好, 去相

今次真係要多謝 Kimmy姐姐同契姐呢兩位蛋糕逹人
多謝你地為朗朗帶來的驚喜哦.....

今年朗朗生日, Kimmy 姐姐為朗朗準備了蛋糕

而契姐呢, 就負責士多啤梨同朱古力

佢地今次要整一個末世紀最邪惡0既生日蛋糕送俾朗朗.....

初時, 仲以為個蛋糕會係好難搞, 但原來, 真係一0的都唔難
整個製作過程, 兩兄弟都能夠參預

好快, 我地就用左朱古力手指圍好左個蛋糕啦!!! yeah!!!

呢個古惑仔, 一路偷食, 一路偷笑, 唔知想點!!!!

偷食鐵證

哥哥好享受整蛋糕0既過程
一個人獨自將棉花糖鋪滿晒整個蛋糕.....

大家都整得開心又過癮

加埋最邪惡0既 m & m, 就大功告成啦!!! hooray!!!!

又靚又邪惡的一個生日蛋糕.......

哥哥happy birthday.......

又大一歲啦, 5歲大個仔喇, 真係要聽聽話話, 生生性性呀!

最衰, 表姐遲到啦

呢個咁靚0既生日蛋糕, 表姐竟然無福消壽

下年啦, 希望下年表姐可以同朗朗一齊切蛋糕

一齊再見證朗朗0既生日啦!!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!