5歲生日慶典之喪玩錦田俱樂部

仲記得, 五年前0既呢一日

幾經辛苦....我捱了十幾個鐘的痛

終於, 終於誕下了朗朗.....

轉眼間, 已經五年啦.....

朗朗由一個BB, 漸漸變成一位小朋友

再過多五年, 好快, 佢就會成為一位小小 teenager 啦.....

真係覺得, 時間過得好快.....

朗朗, 好想同你講

我真係好鐘意, 好鐘你哦....

好鐘意同你傾計, 好鐘意同你一齊訓覺, 好鐘意同你一齊無無聊聊

總覺得, 同你待在一起, 特別開心....

0係我眼中0既你, 係一位超級甜心, 超級嗲精

你好錫我, 好錫弟弟, 好錫爸爸

五歲大0既你, 仲係要拖住媽媽, 先能夠安然入睡
真係嗲到冇人有!!!!

我好慶幸, 我0既人生之中, 出現了你

雖然, 你只係一個好細個好細個0既小朋友

但係, 因為你

讓我學懂去愛人, 學懂去照顧別人

學懂煮飯, 學懂用洗衣機, 學懂做所有家事

0係短短呢五年間, 唔單單係我睇住你成長
其實, 你都一樣, 陪住我長大.....
感恩, 我地一家有著你.....
願你每日都係健康, 都係快樂的....媽媽愛你!!!!!


好, 去相

0係朗朗生日0既呢一日
原先我地係諗住一家四小口, 無無謂謂咁過日晨
點知忽然, Athena 話約埋一齊摘士多啤梨
問過朗朗意見, 佢話好想同Alice, Mancent 一齊渡生日
於是, 就梗係go go go 啦......

今年同上年一樣, 都係去錦田俱樂部

開心開心

今次有鴻仔爸爸陪同出席

日本特級士多啤梨..........正!!!!

開始啦喂!!!!!

哈, 今年細佬大個仔, 冇上年咁倒亂檔啦

佢仲好鐘意, 亦好享受呢個士多啤梨之旅添!!!!

個儍豬豬拎位個籃, 一路跑, 一路儍笑

成個村姑咁, 真係覺得佢好鬼惹笑.....

呢個哥哥進入左瘋狂狀態......一直摘, 一直摘.....

似乎, 想摘晒成個士多啤梨園0既士多啤梨番屋企添

我地有我地摘啤啤, 佢有佢狂玩電話

鴻仔真係一個神級低頭族

哈, 點睇都覺得佢地極度似樣.......

yeah, 好快, 兩隻仔已經盤滿砵滿啦

今年0的士多啤梨好紅, 好大粒呀!!!!!

終於, 終於摘夠皮啦..... 

同阿仔佢地影下相先!!!!

完成摘啤啤之旅, 轉戰燒烤場

哈.....全腸宴........

真係要多謝 Athena

其實, 我一直都冇勇氣帶小朋友去bbq

總覺得, 同佢地bbq係自討苦吃

估唔到, 今次大家會玩得咁開心

食完第一輪, 小朋友梗係要繼續喪玩啦!!!!

嘩, 呢獲真係辛苦晒 Mandy, 阿Joe

佢地0係我地陪小朋友放電期間, 一直默默耕耘, 一路燒燒燒

燒左好多野俾我地食哦!!!!!!

呢兩隻, 真係玩到顛鬼晒!!!!

兩個五歲的人

哈, 其實朗朗同 Mancent 0既生日, 只係差兩日架咋!!!!

下年可以一齊賀壽

摘完食飽, 再放電

其實錦田俱樂部配套真係幾齊全

呢條友, 點可以幾個鐘以黎, 都維持住同一個動作架....

真係深感佩服!!!!!! 

哈, 細佬騎住呢隻象橫衝直撞

多次撞到途人.....

sorry 呀, Mandy......

騎完大象, 再跳彈床

終於完成呢個放電之旅

呵, 多謝 Athena, Mandy 一家

要你地無端端替朗朗慶祝, 真係唔好意思.....

今次呢個士多啤梨之旅, 開心開心, 下年再黎過!!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!