8號風球GILL家大災難

細個0既時候, 總係好鐘意打風

仲要每次都期望係8號風球或以上

一個原因: 唔駛番學

到經歷天兔0既蹂躪之後, 我知錯喇

我以後期望打風係一號風球或以下

話說

尋晚風大雨大

直到呢一刻, 我都唔係好明

風聲雨聲咁大, 佢地三母子又點能夠訓得著0架

正當我以為, 三母子訓著, 就係耳根清靜之時

真大鑊, 房水浸

搶救中, 三母子訓著中, 身在水浸不知禍

睇黎佢地要水浸眼眉先知大大鑊

一對手, 救到房唔夠時間救廳

努力拖拖拖抺抺抺

我唔想通頂呀, 又兔!!!!

短短幾個鐘, 已經拖左大大桶水喇

以為痴好膠紙就唔會出事喇, 原來水浸先大大鑊

鴻仔勇救朗朗班 FRIENDS

但結婚相就返魂乏術啦.....

突然一陣大大0既風聲嚇醒朗朗

我地三母子先知, 鴻仔飽受蹂躪

朗朗梗係幫拖喇, 話晒, 爸爸都係佢0既救FRIEND恩人

結果, 一拖再拖, 我地拖到零晨兩點

抽濕機都開埋, 

鴻仔決定唔理啦, 叫埋朗朗閉上眼就訓啦

我地希望聽朝訓醒, 會相安無事啦

(其實轉左西南烈風我地屋企已經好似無食得咁應0架喇)

朗朗仲安慰鴻仔" 都冇點算架,無法喇, 我睇下邊度濕, 我叫你抺地啦!"

第二朝起身, 情況比想像中0既好喎

只係浸左些少0者

朗朗起身大開心

仲好有心, 一路都幫忙 tidy up

不過, 哥哥好生性, 細佬就搗蛋

佢趁我地忙, 就出黎大肆破壞

忙左一整晚0既爸爸終於醒啦

仲跳落細佬豬張床, 扮細佬大叫 "地地....地地..... "

扮得超神似, 細佬都忍唔住笑

平時細佬就係咁, 一起身就擒起身, 叫"dee dee.....dee dee"

哥哥都忍唔住笑爸爸低b

笑屎兩隻仔呢

下午, 帶左兩隻仔出去睇下大風後0既情況

我地呢度其實打親風都好嚴重0架, 

我地附近, 有幾家人吹冧左個窗添呀..... 所以, 水浸叫做不幸中之大幸了!!!

大門都攪成咁呢.....

 哥哥都睇到O咀.....

雖然下午三點已經落晒波

但查實我覺得都叫有小小風0架

就唔明點解, 好多人都覺得個風冇乜料到.....

吹吹風, 放放電

咁又一個下午

聽日終於可以番學喇, 希望今年唔好再打風喇, 真係怕怕

HEHEEE....

我地最近開左個 FACEBOOK 專頁呀

大家可以 CLICK 一 CLICK呢度

再 LIKE 一 LIKE 0個度..... 

同我地做個朋友仔啦!!!!