最近總是累累的....
有點兒提不起勁寫BLOG呢....
會加油的, 會加油的
入番正題
9月1日
除左係開學日之外,
仲係我地契姐生日0既大好日子
(不過, 今年契姐開心到飛天, 旅行渡生日, 所以未能正日一齊慶賀)
冇得正日一齊賀壽, 都冇乜所謂0既
最梗要契姐生活愉快, 永遠都咁HAPPY 0者
祝願契姐年年月月日日都可以 keep 住咁無聊, keep 咁低B
keep 住咁咁幸福, keep 住咁快樂
我地一家永遠都咁愛你0架
願我地三姐妹友誼永固
(寫完都覺得好老土...... )
好, 去相
是次生日飯, 我地去左 IFC 0既 GREYHOUND 食泰國野
說實的, 好鐘意呢度0既環境
對住個海吃飯, 你話幾咁舒服呢.....
而且裝修好時尚呢....
大愛佢地呢張靚靚梳化
唔知係咪啱啱去完泰國, 有比較呢
總覺得呢間0既野食一般般
好似呢碗冬蔭公, 雖然佢0既湯好濃, 但美中不足, 就係唔夠辣
薯條係叫俾朗朗食0既
呢個鵝肝多士係招牌菜
配上士多啤梨, 味道好新鮮, 好特別呢....
炒飯都係叫俾小朋友食0既
比想像中0既好味, 飯唔會油膩, OK喎
雞肉多士
賣相好靚, 味道卻中規中矩喇
牛油味濃左些少, 有0的"陋" 0既感覺
一口雞翼亦都係呢度0既招牌菜
其實味道係唔錯0既, Kimmy 姐姐大愛這味雞翼
然而一向不大喜愛乾憎憎食物0既我, 就少吃少吃
至於飲品呢, 我好欣常呢杯青檸檸檬茶
雖然係甜左些少, 但係青檸味道好醒神, 正......
睇完0的食物, 又再睇下呢兩隻動物
呢日哥哥大解放, 薯條吃不停
哥哥食薯條, on 居細佬食檸檬
"妹"青檸"妹"到成個阿婆咁, 細佬超攪笑
"妹" "妹"下, 仲要"妹" 出poo poo 來
(媽媽嘆嘆下飯, 要走去抺poo poo....... 你話幾咁悲劇......)
好耐冇見過 Kimmy 姐姐喇
明白乜野叫做久別勝新婚啦, sweet 到佢地呢......
不過 Kimmy 姐姐同契姐都唔係好人黎0架
明明媽媽已經話唔俾食咁多薯條0架喇
佢地仲要夾手夾腳, 偷運薯條俾哥哥食
開心鬼鼠樣
久旱逢甘霖, 我都明點解你偷食完何解咁興奮0既
算喇
就俾佢偶爾放縱一下喇
反正, 係契姐生日
生日大開心
(wow....呢張相影到我成個巨人咁,超唔開心......)
沒有留言:
發佈留言