細佬難教也

話說, 想當年

一直都誤以為細佬豬係個好好湊0既BB

0個時, 細佬行又未識行, 野又唔識講

想反抗又無力反抗, 邊會難湊得去邊呀....

係我儍下儍下, 先會誤會佢係個好仔咋

隨著細佬愈來愈大

我開始發覺,佢份人原來都幾格衰0架

好似咁呀, 如果佢掂梗0的唔應該掂0既野, 好似電線, 門呀等等

只要我輕輕講一聲, 細佬, 呢個唔攪得0架

佢一聽到個唔字咋, 就會勁激動
跳高一0野,再"boo"一聲用pat 撻落地,然後用盡丹田0既所有氣力,狂叫狂喊喇
嘩, 咪講笑, 我真係唔係誇張
佢最近呢個情況真係好嚴重
只要一有野唔給佢心意, 一唔俾佢做一0的佢想做0既野
佢就會用呢個方法黎表逹不滿

早幾日

 我覺得佢開始大喇

唔能夠再咁樣落去

之前, 或者我一直都做錯左

成日諗住, 等佢大0的, 先同佢講道理, 而家就住佢先喇

可能就係因為咁, 次次都就住佢

讓佢0既氣焰變得愈來愈盛

而家.....發覺真係唔得喇.....

唔能太就佢

要開始同佢抗衡喇
而家0既方案就係, 佢一發脾四, 一彈落地, 我就會捉佢落床仔罰佢
唔知呢個方法掂唔掂呢
大家, 仲有冇乜野方案呀????
唉....真係勁難教呀.....


好,去相


話說, 又因為某些小事
細佬又被罰落床仔

佢好激氣, 0係樹狂喊

佢其實都幾喊得0架, 可以狂喊半個鐘都唔收聲

不過喪喊咁耐, 查實我都冇見過佢流一滴眼淚0架

所以, 我相信佢只不過係扮可憐, 博同情0架咋

有時, 我真係唔明, 點解我0的仔個個都咁鬼難湊0架

兩隻都係大喊包+勞嘈仔

好采, 阿哥大下大下, 都似番個人

希望細佬大個0的, 會肯同我地講下道理喇.....

教仔, 真係唔易0架.....

唉.... 其實今日帶佢番playgroup真係好唔開心呀

由頭喊到落尾, 點都舞佢唔掂
佢份人又大聲喎, 好騷擾到其他人上堂0架嘛

跟住, 其他媽咪望住你, 

好似覺得點解個小朋友喊成咁, 媽媽都可以束手無策

好怕再帶佢番學呀......  有小小唔知點算0既感覺.....

@.@

細佬..... 你加油呀

希望你可以慢慢學習處理自己0既情緒

唔好下下用喊黎解決問題啦.....

如果唔係, 媽媽真係好辛苦0架....

日頭唔好講人
夜晚唔好講魚
無啦啦, 寫寫下細佬0的衰野
條友居然喊醒左喎....好似知我講梗佢壞話咁.....
嘩, 真係好邪呀....

HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

 同我地做個朋友仔啦!!!!