細佬中招了

幾時都話, 我係一個超級大懞0既媽咪黎0架!!!

之前都提過喇

細佬自從去完旅行番黎之後, 就一路都病

上星期日下午, 仲無啦啦發起高燒起黎添

(又提外話, 話說泰國出名猛鬼0架嘛, 

咁啱, 有一晚, 細佬豬訓到凌晨時份, 又自己0係樹玩, 0係樹狂笑

然後, 一番到香港就發燒, 我真係有幾秒0係度諗, 佢係咪撞邪)

咁我見細佬又咳, 又鼻水咁

一直都以為細佬豬係傷風引致發燒

其實, 連醫生都話佢係傷風.... 所以我都完全冇諗過佢係有其他病

去到星期四下午

細佬午睡之後

塊面突然一撻撻, 好似起濕疹咁

又咁啱, 天氣報告話濕度低左

咁我就0係度諗, 

慘喇, 原來除左哥哥有濕疹之外, 原來細佬都有.....

當其時, 媽媽依然冇察覺到, 細佬原來已經中左招

我地三條友仲撇甩左細佬, 去左OCEAN PARK尋開心添

呢獲野, 真係苦了奶奶

因為, 原來可憐0既細佬豬, 並唔係傷風咁簡單

佢...... 原來係出玫瑰疹呢.....

嘩, 0個日, 細佬可能出疹真係好辛苦喇

變得非常咁瘋狂, 非常咁變態

由我地一點將佢放低0係奶奶度, 佢就一直喊到6點訓著為止

星期五0個日.....

細佬塊面腫到變豬頭

我再望下佢個身.....嘩, 成隻斑點狗咁

終於就知, 奶0野喇, 係玫瑰疹呀...

陰公, 細佬塊面一撻撻, 好似爛面咁....好醜樣呀.....

個肚仔都唔好得去邊, 成隻斑點狗咁呢.....

唔怪得知, 細佬呢排成個人都好忟憎, 又乜都唔食啦

除左唔食野, 個人仲好冇心機, 成日由朝訓到晚.....

諗起都覺得佢可憐呢

好采, 星期六0既今日, 終於有番小小胃口

個人正常番好多

冇錯, 星期四, 五期間

佢個人真係勁唔正常, 小小事都狂喊狂叫

以下情節, 部份可能令人情緒感到不安

見到嘛, 佢喊得幾咁顛喪

由朝到晚, 都保持住狂喊0既狀態

偶爾, 仲會使出哥哥0既獨門秘笈 - 天殘腳

顛到連較剪腳都出埋, 問你服未????

真係喊到我都暈暈地.....

直頭, 講道理又唔得, 氹又唔掂, 罰都冇用

連朗朗都問我, 細佬做乜咁曳

可想而知, 細佬係有幾咁變態呢.....

好采, 黑暗0既日子, 只係過左兩日

哈.... 仲有一日俾奶奶頂左.....

今日, 細佬又再回復正常

再冇十級咁扭啦, 只係得番當日0既七成功力咋

咁都好好多喇......

至少, 佢好番

我都冇咁擔心佢嘛....

細佬, 你要健健康康呀

HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!!