功課一籮籮

開學至今

已經差不多一個月喇

由上星期五開始, 朗朗開始有功課啦

真係不得不慨嘆, 而家0的小朋友, 真係唔易做

聽班主任講, 而家, 每個星期一, 三, 五都會有功課

每日暫時只係得一份功課

都係好簡單0個0的畫下線, 填下顏色0既野黎0架0者

我0係度諗, 唔知其他學校0既K1小朋友, 

係咪都一樣, 已經開始左做功課0既生涯呢????

對於做功課

朗朗並沒有太大0既抗拒

或者, 未去到寫字, 佢唔會覺得好吃力吧

感覺, 佢仲好似幾鐘意做功課添!!!

但願, 佢會一世愛做功課, 唔好要我勞氣喇

好, 去相

為左要俾個寧靜0既環境過哥哥做功課

我首先梗係要造低細佬先喇

有細佬0係度扯手扯腳, 真係乜都做唔到0架

萬事俱備,開始迎戰功課喇喂.....

今次做填色功課

哥哥好好好認真

不過仲係油到出晒界, 哈哈

雖然出晒界, 但我都收貨0架喇

三歲半人仔, 唔通要求佢油到好似大人咁咩!!!

油完顏色印印仔

簡單易做

不過, 卻賠上了45分鐘, 非常咁讓人勞氣

一時就話呢件衫係細佬0既, 呢件就爸爸0既, 呢件媽咪0既.....

唉, 總之就多多事實, 講一輪無謂野先做兩野

油唔夠兩筆, 又再話呢個顏色好似唔係好靚, 莫老師唔會鐘意

講仲多過做....明明15分鐘可以完成0既功課, 都唔明點解要攪左咁耐.....

好不容易, 先完成份功課

終於都可以玩喇.....

說實的, 我真的唔希望阿仔0既人生, 就係功課, 功課, 功課

好希望, 每日總能安排一段時間俾佢玩, 玩同埋玩

尤其係呢個幼稚園階段, 我好想俾佢有更多更多0既自由

小學之後, 相信就會變得爆忙0架喇

到時, 想玩都未必有得玩

實在唔忍心剝奪佢0既童年

朗朗, 魚仔願你地幼稚園快樂

HEHEEE....

我地最近開左個 FACEBOOK 專頁呀

大家可以 CLICK 一 CLICK呢度

再 LIKE 一 LIKE 0個度..... 

同我地做個朋友仔啦!!!!