2014年4月30日星期三

曼谷狂食之旅- day 2

黎到DAY 2
呢一日朝早, 我同Kimmy 兵分兩路
佢負責訓覺, 我就負責去翟道翟

哈, 仲係第一次自己一個0係曼谷街頭遊蕩架咋
一方面覺得好自由自在, 另一方面又感到好緊張
你知嘛, 我真係一個百折不拘0既路痴黎架
連0係香港地, 都成日會迷路0既
所以, 一個人由酒店去翟道翟, 我真係覺得自己好神勇哦!!!

好, 去相


路痴即係路痴
明明行8分鐘就可以到逹 BTS 站
結果, 一行就行左20分鐘.....
呵, 竟然行左一個站



算啦, 行多個站算係乜呢
上到車, 對我黎講, 已經好好啦.....


YEAH, 好不容易, 終於到逹翟道翟....
而家望番轉頭, 都覺得巧熱哦!!!


為左爭取時間SHOPPING
早餐唯有食街邊野啦...
哈, 又係我0既最愛呀....


今次SHOPPING目標好明確
就係買T俾三隻仔 + 買對家居拖鞋俾自己
不過, 再一次迷路
完全搵唔番自己想搵0既鋪頭


行到一身臭汗
終於同差足電0既Kimmy姐姐會合啦
我地約左0係 terminal 21 呢間泰式餐廳吃飯
呢間, 大家認住佢
超級勁好味, 十分推介


Kimmy 話坐的士時, 司機同佢講
而家翟道翟開左坐新0既大廈
以後, 行翟道翟唔駛再咁辛苦啦
可以與冷氣同行鳥
不過, 我都仲未知0係邊樹
如果大家知道0既話, 請報一報料 pls.....


熱成咁, 我都忍唔住叫番杯西瓜汁....
巧巧巧清涼哦.....


泰式肉碎飯


生蝦哦......係生蝦哦....
你知嘛, 同鴻仔一齊, 係永遠食唔到呢味餸架
佢食親海鮮, 都會變孖腸咀架
今次, 與 Kimmy 同行真係爽爽爽哦
諗起都覺得開心耶....


呢個海鮮木瓜沙律真係不得了
又酸又辣.....勁爆咁開胃...


食完再shopping
行完再嘆下咖啡
嘩, 如果人生不斷都係咁發生就好喇
食, 訓, 玩, 嘆......幾有人生意義呀.....


不過泰式咖啡, 我真係覺得好一般



仲係椰青好味好多


yeah, 又下一個旅程
又係spa
呢間比起DIVANA 平得多啦
當然, 環境同服務都相對冇咁好啦!



今次我真係爆嘆哦
我起了雙飛耶
做了一個四手按摩
哈, 恕我見識小, 我真係唔知原來係可以叫兩個技師一齊按架
都係Kimmy 識嘆0的!!!


清涼的一杯水, 加上脫俗的雞蛋花
唔錯0既配搭


環境簡樸, 感覺都舒服0既


間房都好大下, 而且好乾淨


不過......我好黑仔呀....
我竟然遇上了一個好年青0既技師
你知嘛, 去到骨場, 最驟忌就係咁
薑總係愈老愈辣
今次遇到後生女, 唉.... 真係慘....


另外, 四手按摩, 原來唔係想像中咁好
因為兩個技師力度不一樣, 一個快另一個又慢
結果, 搞到好亂
總之, 我就係0個種, 永遠唔懂得享受齊人之福0既人黎架啦
我有種吃不消0既感覺呀.....
所以, 下次真係咪搞我.....


spa 後再食過
呢晚Dinner 我地0係 Mango tree 食
呢間食店0係香港都有


不過, 我仲係鐘意 terminal 21 0個間泰菜多小小


真係發大逹, 生蝦 again ......


飯後再排戰雪糕
呢日個胃大滿足!!!



哈, 真係再一次多謝 Kimmy 哦
呢幾日過得逍遙又快樂 + 日日都豐衣足食咁款
實在讓人太興奮啦.....
希望, 0係不久0既將來, 我地可以再一齊去旅行啦
不過, 下次一定要帶埋我0個三隻仔至得
因為, 幾日黎, 我都好掛住, 好掛住佢地哦.....



願你都一樣, 覺得呢短短0既幾日, 係快樂架啦!!!






 HEHEEE…
我地最近開左個 FACEBOOK 專頁呀
大家可以 CLICK 一 CLICK 呢度
再 LIKE 一 LIKE 0個度....
同我地做個朋友仔啦!!!!


2014年4月28日星期一

曼谷狂食之旅- day 1

真係諗都冇諗過, 我會有呢一日哦.....
今次, 真係多得鴻仔同婆婆0既配合, 替我全力湊仔
亦好多謝我個超級好朋友 - Kimmy 姐姐
多謝佢邀請我共赴旅行, 又為我安排好晒咁多日0既行程
讓我唔駛帶腦出街, 都能夠0係曼谷鬧市中開開心心自由行

wow, 說實的

自從生左哥哥之後
一直都冇好好品味過自己0既人生喇
以前, 未有囝囝時
想去行街shopping 就去行街shopping, 想去睇場戲就去睇場戲
生活總係能夠掌握0係自己0既手裡面
但係有左佢地之後
生活就變得不由自己的了
為左佢地, 我放棄左自己原有0既生活
為左佢地, 我生活再唔似以往一樣咁多姿多彩
哈.....有時, 都唔明點解自己可以咁偉大架....


今次, 啱啱遇著剛剛

突如其來, 無端端有一個咁樣0既小旅程
我真係超級開心哦.....
0係泰國, 終於可以呼吸一下自由0既空氣
做自己想做的事, 吃自己想吃的東西
諗起都好回味哦.....

好, 去相


呢個TRIP四日三夜

不過夜機去, 早機返
所以前後只係玩左兩日
不過已夠我開心大半天
而且, 玩太多日, 我都驚我會掛住對仔


仲係第一次出國有人送機

真係多謝鴻仔哦!!!



第二朝一早起身
第一站, 四面佛之旅



呵, 然後一大清早
自隊左個大雪糕



今次呢個真係飲食團黎架


第二站就立即再食多滯



去左一間泰式餐廳吃飯



係0係泰友營著名BLOGGER - 一個人介紹架!!!



不過說實的
我係有小小失望
因為一入到餐廳, 就聞到陣怪味



不過食物質素都OK 0既
滋味無窮0既杧果糯米飯



食完就去疏疏乎


有左個仔之後, 真係冇乜幾何可以咁嘆......
我決定要開開心心做過SPA



好多年前, 我都試過0係 Divana 做過spa
環境真係好好, 好舒服



咁多年後0既今日重回舊地
只能用一個字黎形容..... 正



一入到去, 佢地就俾我地選擇自己想要0既味道



我選擇左自己最愛0既薰衣草味



間房一入到去就有陣好清香0既味道
技師手勢激好



按完摩仲有事後甜品食添
又係我心愛0既杧果糯米飯耶......



飯飽嘆完
出發行夜市


同KIMMY 血拼血拼



Kimmy 鐘情小介指
我都覺得好精緻!!!


然後, 再去 KISS ME DOLL



好靚好滑0既絲巾
Kimmy 又忍唔住手啦.....



血拼完, 對自己好0的
決定食日式燒烤


看似好正哦....
可惜, 事與願違
(都唔明點解討論區個個都話好味........ 厄左我去食.....激死我啦)


搞到食得好唔開心.......
最後要再掃過food court
咪講笑, 呢兩碟對板好多.......諗起都好回味呢.....




Day 1 完


 HEHEEE…
我地最近開左個 FACEBOOK 專頁呀
大家可以 CLICK 一 CLICK 呢度
再 LIKE 一 LIKE 0個度....
同我地做個朋友仔啦!!!!