復活假前遊西環

消失於塵世間成個禮拜0既我, 終於出番黎啦....
真係好耐好耐冇發文啦.....

大家復活節過得好唔好呀????
呵, 我就梗係勁開心啦!!!!
終於可以掉底三隻仔, 史上第一次獨自去偷閑....
嘩.....泰國真係一個百去不厭0既地方黎架....
遲下先寫番泰國之旅0既BLOG 啦...

好, 又係時候記錄一下兩兄弟0既復活節生活日誌啦!!!

16/4 放學之後, 哥哥要到西環健康院做言語治療
因為成件事又唔太關細佬豬事
又怕佢會去到健康院, 會好似上次咁, 大鬧三小時
於是, 最後決定撇甩魚仔同爸爸

同哥哥過下二人世界

好, 去相

見時間尚早, 同哥哥遊遊中山紀念公園

真係好耐有好好遊過公園啦.......

新年之後, 又凍過好一陣子

然後, 天氣和暖之後, 就一直落雨

所以, 難得好天氣

真係要好好享受下陽光

仲係第一次黎到中山紀念公園

比我想像中0既大同靚

仲有個勁大0既草地

下次一定要約埋班FRIEND一齊黎PICNIC至得

玩完大草地, 同哥哥轉場到遊樂場

大熱天時, 哥哥居然迫我同佢玩 hide & seek

佢就開心啦

我就熱到頭暈加追到腳震

見今日放假, 決定要開開心心咁渡過

讓阿仔開心, 不外乎食, 食同埋食

先買一包0者喱

再黎一支雪條

真係開心到哥哥嘔呀, 嘩哈哈

由於時間仲係尚早

決定帶哥哥去到我婆婆以前0既居所....

我細個時, 係由婆婆湊大0架

一直都同婆婆有著好深厚0既感情

不過, 婆婆已經唔0係度啦.....

估唔到0既係, 重遊舊地, 人去"樓"空添喇.....

(唐樓都拆掉啦......)

難得經過呢度

真係好想帶哥哥去行下

好想讓佢知道....媽媽兒時0既生活!!!

想讓佢知道我細個時, 係去邊個公園, 係食點樣0既雪糕 

(當年梗係食雪糕車啦......真係好懷念呢.....)

真係人愈大, 講野愈老土.....總係鐘意講舊屎.....

遊完西環, 做完言語治療

再同細佬豬同爸爸豬會合

一家四小口閒來玩下噴水池

開開心心又過左一日

真係不得不慨嘆.....放假真係爽爽爽呀.....

 HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!