我可憐的單眼魚

唉.....

我個魚仔, 總係咁多災多難架...

記得0係佢一歲0既時候

細佬佢玩櫃統, 唔小心夾親手指仔, 最後攪到反甲收場

而家睇返, 都覺得好心痛

正所謂十指痛歸心

0個次, 攪到成隻手指甲都脫落, 冇鬼埋

真係痛在兒身, 痛在母心哦.....

查次, 0個次都夠大獲架喇

點估得到, 再大獲0的事, 都可以發生呢.....

唉, 講到呢度

我個心又痛起黎啦.....

其實, 今次俾蚊咬到

初時都唔係好嚴重架咋

只係大眼仔變小眼仔

估唔到, 訓醒個晏覺之後

情況就突然惡化起黎....

佢不斷痕, 不斷R.....

愈R, 隻眼就愈細.....情況直頭一發不可收拾

當時, 問過隔離屋 EE (退役護士長)

佢話查乜都唔得, 因為小朋友會卒

如果將藥卒左入眼, 會影響眼角膜

唯有, 都係等佢自己退

於是, 我就諗好左, 如果第二朝起身, 

情況仲係咁差, 先去睇醫生啦

點知, 訓醒一覺

細佬隻眼直頭腫到打唔開

連佢本人都好驚, 一起身就喊......

似乎好疑惑, 點解自己隻眼打唔開咁......

見佢攪成咁, 我於是, 三秒三頭都唔梳, CREAM 都唔查

拿拿臨帶佢入院

其實, 睇完醫生同未睇醫生

我覺得分別唔大

因為, 醫生同EE 0既講法都好一致

最後, 俾左支藥膏同眼藥水魚仔

藥膏, 就用黎查身上俾蚊咬0既, 眼睛唔查得

而眼藥水都不過係舒緩作用, 讓佢唔駛咁辛苦0者, 醫治唔到佢

雖然, 係咁講

但係, 睇完醫生

我個心, 又確實定左好多

至少, 聽到醫生話

只係皮膚問題, 唔會影響到視力, 咁個人都心安好多啦

而且, 見到0的護士同魚仔玩

笑魚仔攪成咁, 話佢好攪笑

又叫我快0的同佢影多0的相, 俾佢第時自己睇

護士咁0既行徑, 讓我覺得..... 醫護人員視呢獲野為好小事....

於是, 我都冇咁驚青

時至今晚

細佬隻眼一直都沒有好轉過來哦

仲係好腫, 仲係打唔開

而且, 佢個人好似好唔舒服, 整日都激扭計哦...

唉....真係好擔心.... 

魚仔阿魚仔

你快0的好番啦

媽媽真係擔心死啦, 真係好掛住你呢雙大眼睛哦.....

求下你, 聽朝要好返晒呀....

如果唔係, 我又要以淚洗臉啦.....

 HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!