細佬豬兩歲

時間過得真係好快!!!

細佬豬話咁快就兩歲啦!!!

哈, 歲月催人老

兩年前, 細佬豬明明成個後生仔咁

估唔到, 兩年後0既今日

個樣會衰老左咁多.... 哈哈

我諗, 佢真係要查下 SKII 補一補下啦

細佬豬..... 而家你再唔係BABY 啦

係個 BIG BOY黎啦.......以後, 要生生性性做人啦....

多謝我最好0既朋友哦

我兩個仔, 真係你地睇住大架

今年魚仔生日會

有契姐, 有 Kimmy 姐姐

有婆婆, 有表姐仔

所謂0既生日會

只係簡單食餐便飯, 切個蛋糕

多謝Kimmy 姐姐個靚靚蛋糕

亦好多謝契姐親手下廚0既一餐飯 

有埋謝婆婆, 表姐一齊黎慶賀

真係開心開心

細佬呢日好生猛

整日都笑逐顏開, 似乎真係知道自己生日.....

細佬豬, 見你一日一日長大

每日總開開心心, 健健康康咁

媽媽已經好滿足啦

 媽媽對你冇乜要求

只係希望你能夠乖乖巧巧

唔好再成日咁扭計, 唔好亂發脾4

唔好總係佻佻皮皮, 鬧極都唔聽, 咁就OK啦

(哈, 咁都話有乜要求)

細佬豬

其實你同哥哥真係好唔一樣架

你總係笑口噬噬, 總係生性樂觀

鬧你, 你又笑

罰你, 你又笑

淘氣得令人覺得好勞氣

你知嘛, 教你, 真係有小小吃力, 小小辛苦

不過, 我仍然覺得, 辛苦都係值得架 

見到你面帶笑容, 開開心心咁, 我就開心啦

你知嘛....細佬, 你0既笑容, 總係好容易感染到人架

每次, 見到你笑, 媽媽都不由得的, 都會笑起黎....

好感動

你地你兄弟一直都係咁和平共處

當初生你時, 係為左讓哥哥有個盤, 唔駛咁悶....

想哥哥有個兄弟, 陪住一直成長

哈, 到你大左, 睇到呢度, 會生氣嗎???

不過, 說實的

而家, 媽媽卻冇咁諗過啦

我好感激, 生命中有你

你, 總係能夠大放笑彈, 讓媽媽笑個不停

願你地兩兄弟

永遠都相親相愛

媽媽愛你地兩個架, 兩個都咁愛

生日0既今日

爸爸, 媽媽會帶你地廸廸尼

希望你會開心啦....

 HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!