魚仔戒奶咀日誌

唔經唔覺, 細佬已經兩歲有多喇

咁大個人, 仲終日擔住個大奶咀

確實係有0的醜怪.......

其實, 好耐之前, 就已經好想替細佬戒咀咀架喇

不過, 一直都的唔起心肝

尤其擔心, 午夜夢迴, 細佬豬責醒0個下

如果冇個奶咀旁下身 

真係好擔心, 撤夜難眠0個個唔係細佬, 而係我哦....

你知嘛, 細佬一向都一晚責醒好幾次架....

每次, 如果我地冇及時塞番個奶咀俾佢

佢就會發晒狂, 喊一兩個鐘架喇...

你話, 咁0既身世, 叫我點會有勇氣為魚仔戒奶咀呢?????

本身, 戒奶咀呢單野, 一向都只係得個諗字架咋....

點知, 人算不如天算

我去左泰國番到黎之後

就發現個奶咀不翼而飛啦

0個晚, 搵左好耐, 都搵唔到咀咀

最後, 唯有叫細佬食少晚

其實去到第二朝一早

鴻仔已經力勸我買番個新0既咀咀番黎架喇

但係, 我又覺得, 既然又冇左個咀咀

不如算啦, 試下戒下喇.....

就係咁, 我地魚仔就展開左戒奶咀0既旅程啦!!!

好, 去相

首先黎個大回顧先

其實, 魚仔bb細個時, 並唔係奶咀一族黎架

佢幾本上, 一出世就迷戀上佢隻手指

當時, 真係無時無刻, 都要擔住隻大手指架

去到後期, 直頭失晒控

大癮到兩隻手, 十隻手指頭一齊隊

我覺得真係太過份喇

所以, 真係唯有俾咀咀細佬豬食

其實食咀咀都好0既

比起食手指, 我估.....會易戒0的掛....

而且, 去到學爬0既年紀

爬完又擺隻手入口, 會好唔衛生

所以, 諗都冇諗, 就決定要迫細佬豬食咀咀

初初食咀咀0既細佬

其實並唔習慣架, 成日都會吐番出黎

不過, 食左無耐

佢就開始ok 喇, 至少都肯食呀嘛

不過, 由食手指到食咀咀呢段路

其實一0的都唔簡單, 一0的都唔容易架

我一度好後悔俾細佬食咀咀

因為, 有一段好長0既時間

細佬係手指咀咀, 兩樣都食

當時, 我心裡面真係好擔心.....

擔心細佬唔單止會搣唔甩手指鋪癮, 而且仲要食埋咀咀

我0係度諗

死喇, 如果到時, 又要戒手指, 又要戒奶咀, 我點算好????

幸好, 搞左一輪

細佬終於冇食手指

然後, 咀咀就成為魚仔居家必備, 出街旅遊0既小良伴

唔經唔覺, 呢個咀咀已經陪左細佬一年半有多喇

終於, 都要開始戒喇.....

唔知, 細佬佢會唔會戒得好順利呢...

今日, 已經係佢第三日冇食咀咀喇

市面一片平靜, 魚仔佢三日以黎, 都冇搵咀咀

不過, 訓覺時, 就變得極其痴身

而家每晚訓覺, 唔單止要拖住手訓, 仲要雙手十指緊扣.....俾佢笑屎...

加油呀魚仔

希望你真係能夠快快手戒到咀咀啦!!!

 HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!