識做小女人

今晚

為左好小事同鴻仔嘈起上黎

其實真係好小事

佢番到屋企如常的, 聽佢0既音樂

然後再享受佢0既鬥地主時段

0係佢極陶醉於鬥地主0既時候, 我問佢: 有冇幫阿仔乜乜乜呀?

佢唔應我, 我於是再問一次

又唔答..... 然後我就無名火起....

心諗, 又唔係唔俾你玩, 駛唔駛玩到答都唔答, 應都唔應人呀....

於是我大叫 "你幫左阿仔乜乜乜未呀??????"

可能, 佢覺得我鬧佢

於是就又演變成一場罵戰

嘈交過後

我賽後檢討, 我0係度諗

下次0係佢極陶醉, 成為聾耳陳時, 我應該點做

係咪應該用隻腳踩住佢部機, 然後用食指指住佢鼻尖, 等佢關注到我????

定係應該, 用拳頭鏗佢個頭兩野, 等佢知道我問佢野呢???

暴力似乎唔會行得通....

咁, 我係咪應該用軟功呢???

我係咪應該咁樣: BABY 鴻鴻豬, 有冇幫阿仔乜乜乜0者????  (呢下要單眼)

諗諗下, 呢個唔係我風格

我頂唔順時, 佢都會想鐘我兩野

於是, 我就0係樹諗

唉, 男人

外表神高神大, 內裡像嬰孩

根本就係一個大細路

玩, 咪俾佢玩囉, 又唔係出去玩女人

佢總會有玩完之時, 清醒之時

要問咪等佢玩完之後問囉

做乜要嘮嘮叨叨咁, 令佢覺得煩厭呢????

同佢嘈交, 佢唔好受時, 自己亦會難受

做乜要苦了大家呢......

大概, 男人工作了一整日, 番到屋企

都會想有個舒適0既環境, 讓自己減減壓, relax下吧...

如果, 番到屋企, 仲要同個老婆搏鬥, 
日子有功, 我恐怕...男人連屋企都唔想番哦....

為免再為小事同鴻仔爭吵

我決定學習做一個識做0既女人
少嘮叨, 少發難
多體諒, 多包容

我要加油加油哦!!!!!