快遊科學館

今次寫呢篇blog

真係好想表揚我地0既鴻仔爸爸

鴻仔爸爸變左啦

佢再唔係以前0既佢啦

仲記得, 四年前, 佢初為人父之時

最憎就係朗朗

憎佢成日喊, 憎佢阻住佢出去威, 憎佢份人麻煩

一句講晒, 總之佢就係好睇個仔唔順超啦....

當時, 我成日都諗

點解, 佢會唔鐘意自己個仔架????

點解, 佢唔能夠盡父親0既責任架???

點解, 佢咁唔鐘意同阿仔親子一番架???

或者, 當年, 佢真係未有心理準備做爸爸啦!

唔經唔覺

哥哥四歲, 細佬兩歲啦

雖然, 有時0的仔一喊, 鴻仔仲係會好忟, 好勞氣

但係, 睇得出, 佢對0的仔, 真係愈來愈好啦

或者人非草木, 誰孰無情吧.....

上星期, 鴻仔放假

前一晚, 我地就講好左要一齊去科學館睇恐龍

點知, 第二日一早起黎, 就收到壞消息啦

鴻仔0既假泡湯啦!!!

其實, 我都明0既, 搵食嘛....

突然要番工, 都冇辦法啦

我同佢講, 今次去唔到, 咪下個星期去囉, 唔梗要架....

但係, 佢就係靈環不靈

係都話要同我地去科學館

最後, 仲攪到軒軒要出黎頂左佢半日假

我一路都覺得好奇怪

我0係度諗, 唔通鴻仔咁鐘意睇恐龍?????

想睇到連工都唔肯番????

照計, 又唔會啦, 佢一向都好熱衷番工0架嘛.....

直到今晚

我終於按捺不住, 問佢點解咁堅持去睇恐龍

原來, 佢唔想朗朗, 魚魚同我失望

所以就決定要陪我地去

因為自細佬出世之後, 我地已經好耐冇出過城啦

難得一次, 答應左我地

佢實在唔想爽約

鴻爸爸, 多謝你哦....

你終於成為一個真爸爸啦....

我地三小口, 真係好開心, 有你呢個爸爸, 謝謝!!!

好, 去相

呢日, 我同鴻爸爸兵分兩路

爸爸負責湊哥哥放學, 我就同細佬0係屋企出發

小出街0既朗朗, 見到乜都話要影一餐

yeah, 兩兄弟終於相遇啦

非常咁開心

去到目的地耶

細佬睇到兩條巨龍, 嚇到目定口呆

哥哥就直頭冇眼睇添

哈, 估唔到佢地兩個會驚成咁.....

睇睇下龍

哥哥突然話, 細佬好睇0的....

被污辱0既細佬豬, 個樣慘到呢.....

我都好耐冇出過去外面0既世界啦

可以出黎吸收下新鮮空氣, 真係人都爽好多!!! 

堅開心

其實聖誕節時, 已經好想黎恐龍展架喇

結果一拖再拖, 而家先有機會黎

裡面真係巧巧巧新奇

不過亦都巧巧巧多人, 真係迫到我地屎屎下

由於爸爸都好趕住閃人

加上, 呢日實在太多幼稚園, 小學入黎參觀

迫得太辛苦啦, 所以行左一個鐘鬆0的, 就決定閃人

嘩, 真係多謝軒軒, 多謝鴻仔

我好開心有一個咁愉快0既家庭日哦.....

 HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!