2015年3月28日星期六

We嘩! 充氣嘉年華之復活節之恐龍世紀@黃金海岸商場+ 復活小巨蛋@奧海城

YEAH.....
又黎喇, 又黎喇.....
每次假期, 總得要安撫兩隻仔
總要為佢地安排下節目
今年復活假, 又有WE 嘩陪我地啦....
真係十級咁開心, HOORAY!!!!!


今次我們家好瘋狂呀
打算要去兩次 we 嘩....
第一站, 先會去黃金海岸

We嘩! 充氣嘉年華x黃金海岸商場 復活節之恐龍世紀

We嘩! 充氣嘉年華 再度登陸黃金海岸
恐龍活現
潮玩Kid版 RUNNING MAN
恐龍化石區掘蛋 考古新體驗


活動詳情:
主題 :  We嘩! 充氣嘉年華x黃金海岸商場 復活節之恐龍世紀
日期 : 4月3至7日 (星期五至二,一連五日) 
地址 : 黃金海岸商場 (青山灣青山公路1號香港黃金海岸)
時間 : 上午11時至下午7時
票價:HK$10 – HK$80
查詢 :  info@wewaland.com|8203 3323        
** 嘉年華將不設入場費用,每款遊戲將個別收取遊戲券 **
** 各款遊戲設有不同的身高限制,請瀏覽大會網站內的公佈 **



至於第二站, 就會去奧海城



201We!充氣嘉年華@奧海城

復活小巨蛋    動感登場
聯乘「世界紀氣球達人- JEFF老師」 首創結合氣球藝術x充氣彈床
多款動物主題充氣遊戲  伴小朋友狂歡度過復活節


活動資料
主題: 【We嘩!充氣嘉年華–復活小巨蛋】主題樂園
日期:  4月3日至4月12日(共10天)
地址:  奧海城2期地下主題中庭及北翼中庭(香港西九龍海庭道18號)
時間:  上午11時至晚上7時
遊戲票價: HK$20~HK$80
查詢: info@wewaland.com
** 嘉年華將不設入場費用,每款遊戲將個別收取遊戲券 **
** 各款遊戲設有不同的身高限制,請瀏覽大會網站內的公佈 **


本來都冇諗過去兩次架
不過哥哥一向勁愛恐龍
細佬又大愛氣球
兩個主題都好吸引哦.....
唉..... 是但啦.....
反正假期嘛, 難道日日要佢地呆0係屋企咩
我肯佢都唔制啦.....
就係咁, 我地就決定要去兩隻啦....真係好堅呀.....
希望去完, 同佢地顛完之後
我仲會有半條人命啦....哈哈.....



好, 最後俾番些少資訊大家

立即登入 Facebook FANS專頁留意最新動向及優惠


立即登記成為We嘩!充氣嘉年華的會員,即有機會獲取豐富優惠!




2015年3月25日星期三

麻煩細佬

新年,旅行以後
我們家一直在忙
爸爸忙番工, 兩隻仔忙番學
而我呢, 就梗係一直在忙湊仔啦....

踏入下學期開始
哥哥0既功課突然深左好多
尤其係中文.....寫0既字真係複雜左, 難左好多....
抄寫0既功課, 由寫單字, 到現在開始, 要寫句子了
其實哥哥學校功課量一直唔多, 除左星期五外, 每日都只係有一份而已
雖然功課係少, 但係每一日, 大家仍然會在做功課上糾纏好耐
真心覺得, 中文字好難寫....
真心覺得, 如果可以, 真係唔想搵間多功課0既小學哦.....


講完哥哥, 又講下細佬
唉....呢個細恅豬真係冇得救
咁大個仔, 三歲喇, 仲係咁鐘意典地
一有小小唔如意, 就一哭二鬧三典地
講左一百次, 其實可能係一萬次都有架喇
叫佢唔好0係街, 發脾4典地
但佢總係唔聽, 有次典地典到我都好嬲怒
最後決定走人, 由佢自己0係條街典
點知, 典完30分鐘, 我走番過去, 諗住同佢講道理喇
哈.....佢仲係死性不改, 點都唔肯起身.....
唉.....真係耐佢唔何....


哥哥同細佬, 真係好唔同
哥哥唔理佢, 我跑走左
佢就會好緊張, 好驚咁追住我
但細佬呢, 總係冇有怕咁0既樣
連老師都話, 細佬好識試人底線
唔到最底線最底線0個個位, 佢係絕不收手0個種人
對住佢, 真係人都顛
有時, 我0係度諗, 佢究竟幾時先會懂事
幾時先唔會咁淘氣呢.....


今日之嘛, 細佬同爸爸吃飯
佢筆飯筆到一地都係, 連爸爸對鞋都滿滿是飯
爸爸於是同細佬講: 你可唔可以食得小心0的呢?
細佬: 唔可以, 哈哈....唔可以, 哈哈
仲要哈哈, 哈哈.....鴻仔真係快要俾佢激到斷氣.....



初初細佬細個, 見佢成日都笑口噬噬
仲誤以為佢好鬼好湊
點知大下大下, 真係覺得佢好鬼難教
難教在, 佢永遠唔會聽人講
好聲好氣叫佢唔好點點點點點, 完全唔會理你
再耐心向佢解釋點解唔可以咁做, 都唔會理你
佢總係要挑戰我EQ 0既極限, 讓我忍唔住要鐘佢, 佢先會收手
但唔通真係要下下出拳頭咁對佢咩? 我又唔想.....
但又可以點教呢......好摸不著頭腦......好苦惱......




 HEHEEE…
我地最近開左個 FACEBOOK 專頁呀
大家可以 CLICK 一 CLICK 呢度
再 LIKE 一 LIKE 0個度....
同我地做個朋友仔啦!!!!







2015年3月22日星期日

Playright x Kiehl's 智樂開心小熊醫院2015

好多謝 Kiehl's 0既邀請哦....
0係三月初0既一個星期日
我以一敵二, 去左 Playright x Kiehl's 智樂開心小熊醫院2015


好好天氣0既一日
好大0既一個啟德跑道公園
一去到, 兩兄弟已經忍唔住尖叫


一去到, 立即勇闖小熊醫院


Playright x Kiehl's 其實每年都會舉辦一次智樂開心小熊醫院
不過, 我地仲係第一次參加


去0既時候, 對小熊醫院一頭霧水
只係知道, 每個小朋友要帶一隻公仔去玩


去到先知, 原來係咁好玩
小熊醫院今年開辦左4個專科
包括(眼科、心臟科、腎科及骨科)、護理教學系、醫學教學系、藥房
小朋友化身成為小醫生, 逐一體驗唔同0既病房
醫治唔同病情0既小熊

呵, 哥哥正為梗小熊做梗心外壓
heheeee... 又幾有板有眼.....


在場教小朋友0既工作人員
個個都超有愛心哦....
唔講唔知, 其實佢地個個都係義工黎架.....
真係好多謝佢地每一個
因為佢地0既熱心, 在場0既每一個小朋友, 當日都玩得非常咁開心哦!


雖然只係俾小朋友玩玩0既小醫院
但係, 製作卻係非常咁認真
連洗傷口0既工具都好齊備


醫生哥哥好努力的替小熊 bear bear 洗傷口呢


呢個手術室真係超掂
0的儀器好逼真哦....


仲有埋醫生手術帽俾小朋友


可以扮得咁似咁似醫生, 兩兄弟都好興奮呢.....


呢隻bear要做搭橋手術
由主診醫生朗朗為佢完成


yeah, 手術成功
哥哥勇救bear bear


再去玩埋派藥房同初手嬰兒護理


咁多個病房
兩兄弟最like照顧bb


雞手鴨腳換片中
一邊換片, 一邊大叫: bear bear 0的poo poo 好鬼好鬼臭
好明顯條友好投入個角色喇, 哈哈..... 


呢個細佬就一邊餵奶, 一邊偷奶飲 ......
真滴汗.....有冇咁肚餓......


玩完醫院, 我地再轉戰感觀花園及遊樂場


超愛呢個用紙皮做的小迷宮哦


其實以前, 我地間中都有去下 Playright
不過有左細佬之後, 真係去唔到喇
今次再去, 真係好欣賞 playright 0既熱心
好多謝佢地為小朋友做0既一切

有興趣了解 playright 0既朋友, 可以睇睇佢地0既網站
佢地會不定期於各區辦活動




好靚好飄0既七彩紙條哦
小朋友0係裡面跑跑跳跳已經夠開心


塗鴉中


呢期勁愛A夢哦.....


哈, 第一次見細佬驚驚青青個樣


哥哥就大愛呢個滑涕喇



真係好好玩哦
再一次多謝 Playright x Kiehl's
好多謝你地0既邀請
小朋友今次能夠透過玩醫生遊戲
更加了解醫院0既運作
上了好好的一課
下年, 唔邀請, 我都會不請自來, 哈哈




 俾大家了解一下Kieh's
可以click 一下佢地個網址


HEHEEE…
我地最近開左個 FACEBOOK 專頁呀
大家可以 CLICK 一 CLICK 呢度
再 LIKE 一 LIKE 0個度....
同我地做個朋友仔啦!!!!




2015年3月18日星期三

首爾開心滑雪之旅2015-DAY5

真係愈來愈懶哦....
成日都拖住0的BLOG黎寫.....
呢期真係有小小唔想再寫落去
生活有點忙
生活有點累
生活有點悶, 再冇 mood 喇
希望, 我能夠堅持落去啦

好, 寫埋個day 5先
呢日本身我係超級想去南怡島架
不過, 滑完雪之後, 大家都冇電mode
所以, 都唔遠行喇....
唯有簡簡單單咁留0係首爾市
去南大門買手信, 去清溪川 hea 下
留0係酒店訓下休息下就算

相唔多, 去相

訓到皇朝八晏
一起身吃個lunch先


呢檔街頭小店真係要讚哦


阿豬媽0既蛋包飯真係食到lam lam 脷


個樣雖然好茶餐廳咁款, 又冇乜造型
但食物質素重要過一切
鴻仔呢個豆腐湯超韓,,,,


又平又好吃, 下次去韓國一定要番chur至得


終於到逹聞名於世0既清溪川


堅凍....


呢度夏天有好多小朋友0係度嬉水架....
不過冬天就......


嘩, 講真
0係呢度行, 我真係好擔心哦
兩隻仔一直都好失控咁0係樹跑跑跳跳


幾驚佢地是旦一個跌鬼左落水呀....


你知喇, 咁鬼凍
跌落水真係乜都冇得淨架嘛


但佢地放電起黎, 乜鬼都唔理
叫極都唔肯停
最後只能淺遊清溪川


之後, 去左南大門買手信
嘩嘩嘩, 南大門真的堅搵笨囉....
竟然同一件貨品, 我地後黎0係超市買平好多哦.....

呢個旅程我地日日都勁食韓國0的薯片, 零食
味道又多, 好味過熱浪呢....
大家去韓國都唔好放過哦


呢晚晚餐超開心哦
買左桶炸雞番酒店嘆
嘩, 千頌依炸雞好味到呢.....
好掛住哦.....


韓國0既旅程就咁完結喇.....
呢次一家大小都玩得好開心
期待下次唔知幾時可以再一家去玩呢...哈哈.....


HEHEEE…
我地最近開左個 FACEBOOK 專頁呀
大家可以 CLICK 一 CLICK 呢度
再 LIKE 一 LIKE 0個度....
同我地做個朋友仔啦!!!!






2015年3月15日星期日

首爾開心滑雪之旅2015-DAY4

第四日0既早上
係一個好夢幻0既早上
一早起來, 外邊竟然下著雪
雪然後愈落愈大
0係房間裡頭, 小朋友一邊睇雪, 一邊尖叫
然後, 急不及待的, 嚷著要到外邊玩

好, 去相

Amazing.....
落雪雖然真係好凍好凍
但卻係好靚, 好浪漫....
如果, 0係呢個時候, 隔離企住0個個係都敏俊si.....而唔係鴻仔就好喇!!!!



細佬真係好少可肯影相架
可能落雪,興奮得滯
佢竟然肯望下鏡頭喎!



石頭一樣大的雪哦。。。。


呢一日,我地原先book錯左下午四點鐘0既大巴出首爾
點知,幸運的俾我地渾水摸魚,搭到12:00班車走
嘩,真係好采咋。。。。
如果0係滑雪場呆到4:00,成個早上都唔知做乜好
出番市區,又夜喇喎
咁就白白浪費左一日喇


臨離開時,又再偶遇琴日隻兔仔


出到市區嘆韓國至潮甜品


哈,問你流口水未?
講真,今次去韓國,真係覺得韓國0既野食進化左好多
早幾年過去,真係乜都食唔落架
而家,真係好多食物都好啱feel囉!


hea完再勇闖南山塔


搭的士去到山腰,我地決定行上去
俾兩隻仔放放電


咪講笑,呢段路足足行左半個鐘


沿路風景好靚
可以飽覽整個首爾0既景色


終於行到喇喂。。。。
夕陽遇上南山塔,絕配絕配!


整番張全家幅先


情人塔果然名不虛傳,巧巧巧靚哦


唔駛問我喇。。。。
我地冇做埋0的老土野。。。
相戀十年喇,仲駛鬼塔住個屎佬呢!


心愛0既都敏俊si耶。。。。
(細佬,你唔想影,就咪鬼阻住我喇。。。。)


呢兩隻野,再黎阻住影相

南山塔真係好靚
不過卻係凍到不能再凍


哈,原來有鎖賣架喎。。。。


凍死人喇。。。。逗留大半個鐘
收隊,向明洞出發
再去瘋狂購物!!!yeah!!!


呢晚。。。。超正的一餐。。。


而家韓國最興呢個
芝士排骨


軟淋淋的芝士配上小辣0既排骨,真係冇得輸
下次去韓國,一定要再再再吃過




HEHEEE…
我地最近開左個 FACEBOOK 專頁呀
大家可以 CLICK 一 CLICK 呢度
再 LIKE 一 LIKE 0個度....
同我地做個朋友仔啦!!!!