真係話咁快, 就過左個新年.....
0係呢度, 同大家拜個遲年先!!!!
祝大家羊年行好運
要咩有咩....
洋洋得意....
事事順景....
最梗要就係日日開心笑騎騎!!!
呢個新年, 我地一直都忙著忙著
真係好多好多日冇寫BLOG喇.....
都有小小掛住大家 :)
聽日開始, 兩兄弟就開學喇......
呢期日日都晏睡晏起, 生活顛倒晒....
真係有點兒擔心, 聽朝會唔知醒....
又好驚, 聽日咁早起身, 阿仔唔習慣, 會狂扭計哦....
希望一切順順利利啦....
好, 講番我地GILL家0既新年先
活動真係一浪接一浪
新年前夕
同婆婆一齊吃團年飯
哥哥仲好乖巧, 替婆婆大掃除添
今年都唔例外
都有帶阿仔佢地行花市
兩兄弟一人一個 Elsa 氣球....
不幸的, 細佬0個個玩唔夠十分鐘, 就飛左上天, 魂歸天國!!!!
搞到細佬最後爆喊收場......
不過, 帶阿仔佢地行花市真係巧開心哦....
大年初一, 去左奶奶屋企拜年
一家人齊齊整整過大年初一
一家人玩魚蝦蟹, 食新年飯
開心開心!!!!
不過呢日之後, 哥哥賭癮一觸即發
遲下睇黎要帶佢去戒賭中心啦.....
大年初二
一日趕兩場
早上去鴻婆婆家, 晚上去鴻爺爺家開年
婆婆家人多勢眾, 非常熱鬧
真係一個難得的大家庭
同你地一齊歡度新年, 真係溫暖又快樂哦!!!!!
大年初三
再冇年要拜啦
呢日, 一家四小口去了睇叮噹
自此, 兩兄弟就迷上了靜香....
鴻仔: 其實我細個0個時都好鐘意靜香架.....仲一直視佢為女神添
估唔到, 你呢一代都係封佢為女神......
朗朗: 爸爸, 我地呢代, 靜香唔係女神, 新一代女神係 Elsa....
朗朗真係堅咁答佢老豆, 我真係笑爆左咀囉......
大年初四
gill 家出發鳥
今次一行6人去韓國, 凍住咁興奮
旅行blog, 遲下再慢慢寫啦....
恭喜發財!! 新年快樂!!
回覆刪除擔櫈仔等睇遊記~