首爾開心滑雪之旅2015-DAY3

韓國之行, 我地最期待, 最期待就係第三日呢個滑雪之旅

不過, 呢個旅程來得真的一點也不容易哦....

由首爾到Alpensia滑雪場, 車程足足有成3個鐘頭

仲要平日入去, 只得早車.....

而所謂的早車, 係韓國凌晨5:00 (即係香港04:00....)

0個朝......真係超辛苦囉.....

香港時間3:30就要起身梳洗喇.....

真係訓都冇乜訓過, 又話要出發喇.....

不過, 算喇, 能夠去滑雪, 點辛苦都願哦.....

好, 去相

記得對上一次同鴻仔滑雪, 已經係五年幾之前0既事喇.....

當時, 我同鴻仔兩個人, 兩袖清風

估唔到5年後0既今日, 兩個人, 再加兩隻塞逗窿

真係慘, 咁早入到去

連房都仲未有得check in

唯有周圍行下喇....

呢邊真係凍過市區好多呀!

尤其是啱啱黎到0個下, 可能天都仲未光啦....

嘩, 直頭係凍到一秒鐘都不能停留0係室外架.....

後黎, 中午時間先覺得舒服番小小咋!!!!

兩兄弟見到雪, 都超級狂興奮

尤其係大仔, 佢進入左完全失控狀態

一直只懂得儍笑, 差0的以為佢上左身添呀.....

睇下佢幾咁顛喪, 天氣凍到咁0既地步, 

仲搵0的冰凍自己塊面, 儍的嗎???????

細佬先冇佢咁儍, 搵冰凍自己!!!!

不如甩下阿爸阿媽好過喇.....

於是, 展開左雪球亂戰

大家都掉黎掉去....

哈, 好好玩哦....

check in 後, 拿拿聲租衫滑雪去.....yeah

整裝待發..... 

5年冇滑過雪喇.....我都真係巧緊張哦......

哈, 細佬件衫雖然已經係全場最細件0個件

但係....仲係好衣不稱身囉.....哈哈

滑雪場, 我地黎喇喂!!!!

首次滑雪, 哥哥算係咁上下架喇

雖然, 一直都係一仆一碌咁

但五歲人仔, 至在參予0者! ok 架喇.....

細佬豬就慘喇...

滑雪又唔啱佢玩, 就連隔離雪兜都話佢未夠三歲, 唔肯預佢

不過, 講慘......

我諗冇人夠我黎

明明滿心期待滑雪架嘛

點知, 入到去雪都冇滑過, 一直都要陪住細佬豬

天寒地凍, 坐0係樹砌雪人....

悶死我喇.......

後黎, 終於冧掂阿豬媽

俾我地玩呢個喇....hooray.....

細佬終於笑番喇.....

講真, 見到哥哥有得玩, 自己就坐0係場邊

又真係幾慘慘豬0既

呵, 我地三個哦......

阿哥個樣真係駛唔駛咁風騷呀.....

滑左幾轉, 上上落落咁, 大家都好攰喇.....

於是, 又再齊齊砌雪人

呢日個個都玩到冇晒電

滑雪真係消耗好多體力哦

番到酒店, 飯都冇食, 兄弟二人就暈喇.....

day 3 完

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!