首爾開心滑雪之旅2015-DAY2

韓國真係一個堅凍0既國家...

真係可以讓人一睡不醒的....

尤其, 我家鴻仔餅, 佢一向訓唔夠10個鐘, 係誓不低頭的

見佢咁鬼攰, 0的仔留0係酒店又咁鬼悶

於是, DAY 2 0既早上

我以一敵二, 帶兩仔隻淺遊梨花大學

好, 去相

我地酒店, 正正就係0係梨大

行15分鐘, 就可以到逹梨花大學

其實, 呢樹又唔算好值得參觀

只不過, 時時刻刻咁Shopping, 我肯, 0個兩隻野都唔制啦....

所以, 特意安排佢地去梨大放放電, 亂跑亂跳下....

好鐘意梨大0既呢幅場哦.....

滿滿都是梨花......

梨大0既文化氣息其實都幾濃厚.....

風景亦好優美

同佢地跑下, 捉迷藏, 影影相

再周圍行下

好不容易, 終於等到爸爸起身鳥.....yeah

下一站-北村

呢個係我指定必去0既景點黎架

好多韓劇都0係呢樹取景的

周圍都係古代屋宇, 超有特式

一望無際的韓屋耶......

難得的全家幅........

(細佬貫​​徹始終的拒絕上鏡, 真係巧難同佢影相哦.....

上次去韓國upload 0的相上fb, 朋支們一直問我, 細佬係咪冇去韓國呀???

點解, 0的相總係冇佢0既踪影0既???? 唉, 我夠想同佢影多0的相留念啦, 

可惜神女有心, 襄王無夢呢.....)

唯有我地三個影啦.......

真係好靚0既地方哦.......

行到呢樹, 奶野........

兩隻仔突然大叫, 好肚餓, 好頸渴......

呢兩句"好肚餓, 好頸渴"......講左足足半個鐘都有

真係唔明佢地, 咁頸渴, 留番啖口水好過啦, 仲可以講咁耐野都有架......

咁啱, 呢樹沿路又冇野食賣.....

攪左好耐, 先搵到7仔, 買左包薯片, 排包"室"住佢地把口咋....

俾佢地煩住, 想影下相都難

最後草草了事, 求其逛逛, 就離開啦

吃過午飯, 發現原來北村同景福宫只係一條街之隔

於是諗住行下睇睇啦.....

點知.......超黑仔.....

是日休息.....

門口隔離呢個係必影景點

超不文, 夠爆趣

俾人服務梗0既佢, 笑淫淫咁....見到佢就想鐘佢兩拳啦.....

入唔到去, 門口都影下啦......

巧韓0既建築......

(其實而家睇番, 覺得韓國建築物同大陸0個0的真係幾似下架....

但又唔明, 點解我總覺得韓國0既0的好韓, 大陸0個0的, 總係咁土.....)

又欠細佬.....

哈, 影左佢都冇用.....

扭計中.....

再來一張扭計相.....

(你話同佢影相係咪超冇癮呢.....)

完成左個光化門景點之後

我地就又去shopping 啦.....

之後去左有韓國版葵涌廣場之稱0既富平

嘩, 真係不得了, 不得了

細佬竟然冬眠喎.....仲要眠左好耐好耐.....

我地真係行街行到儍左

買野買到連相都冇影過一張, 勁盡興囉....

下次去韓國, 真係要再去富平一獲至得....

day 2 完

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!