首爾開心滑雪之旅2015-DAY1

呢幾日兩兄弟開學喇

日日六點半鐘就要彈起身, 真係巧巧巧疲累哦....

太攰喇, 整個人懶洋洋的

連寫blog 0既心情都冇....

不過, 旅遊blog嘛.....實在唔想一拖再拖....

唯有努力努力啦...

好, 去相

今次旅程我地一行6人

目的地係韓國首爾

個人黎講, 一向都唔太喜歡踏足呢個國家

總覺得韓國0的野好唔啱食, 景點亦唔算吸引

不過, 聞說呢幾年間

韓國變左好多, 好玩左好多

加上, 鴻仔自從來自星星的你之後, 瘋狂迷上韓潮

0的細路又巧想睇雪....

於是, 我地就鐵定去韓國喇....

今次仲係第一次坐 hk express

初初都好驚佢會 delay

不過又ok 喎, 唔係傳聞中咁差0者

呢程機託賴, 兩兄弟都算係咁上梗架喇

雖然偶有扭計, 大叫

但至少都只係輕量級麻煩

終於都到逹韓國喇......真係超凍......

入到市區, 立即展開我地0既掃街狂食之旅

呢支腸真係超好味

我地足足隊左4支

又凍又餓, 決定食餐好0既

一入到間鋪頭, 已經忍唔住想尖叫喇.....

碳燒的.......

睇番都忍唔住流梗口水添, 哈哈.....

超細心的阿豬媽為我地燒燒燒

軒軒個樣超儍氣.....

食飽繼續邊行邊食

韓國夾餅, 正!!!!!

 行街shopping睇波鞋

聞說韓國 Reebok 平過香港好多架

原先諗住佢地三父子一人買一對

不過, 一路上都遇唔上童裝 Reebok 哦.....

食飽搵周公

(仲好, 唔好阻住我shopping)

浪漫韓男街道上彈琴......真係超英.......

阿哥狂試鞋

連爸爸對鞋都試埋

好可惜呀..... 

三父子最後都買唔到鞋

好多 size 都俾水貨佬掃晒.....

最後, 鴻仔轉戰男性護膚品

終於, 細佬起身喇.....

不過可能天氣太凍, 佢未習慣呀

醒左之後一直大叫好凍, 又勁扭計

最後, 我怕左佢喇

番酒店嘆最潮0既蜂蜜牛油薯片好過.....

一包薯片之嘛, 扭計仔變番開心仔

開心到飛起

day 1 完

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!