2014年9月30日星期二

愛香港, 愛和平

呢幾日0既心情, 真係好沉重
心裡面真係好難過

由細到大, 都覺得香港係一塊福地
冇地震, 冇海嘯, 治安尤其好
諗都冇諗過, 香港會有咁樣0既一日
9.28 我永遠都無法忘記呢一日

2014 年 9月28日 (星期日)
爸爸如常番工, 我亦同0的仔如常安坐家中
中午時份, 電話訊息傳來新聞報導: 警察使用胡椒噴霧
見到咁樣0既訊息, 立即忍唔住, 扭開電視看新聞
當時, 心裡面諗, 唔係呀嘛, 要用到胡椒噴霧, 駛唔駛呀....
想唔到, 再發展落去, 竟然發展到要使用87棵催淚彈呢....

我唔係佔中人士, 亦唔係反對佔中
作為一個熱愛香港0既小市民
我只係想每一位市民, 能夠安居樂業, 能夠安安全全
見到警察咁樣0既行徑, 我真係好心痛
(當然, 警察只不過係一個執行者, 我認為怪唔到佢地)

經過今次之後
我打從心底的覺得
原來, 和平係咁珍貴
願望, 香港再唔會出現暴力0既畫面
願望, 我所愛0既香港, 能夠永遠和平安定
我愛香港!!!!!!!



生活縱然係咁苦澀, 但總有一點甜
9.29, 我們周家誔生了一位小甜心
我同鴻仔榮升了成為伯父, 伯娘了
歡迎小小水晶包
祝願你能夠快高長大, 健健康康



小小水晶包, 第一次跟你見面, 見你訓到流晒口水, 真的覺得你好搞笑哦.....
外面0既世界咁混亂, 你卻能夠睡得那麼甜
見到你, 我亦不知不覺間平靜起來
生於亂世, 卻能讓人感到安穏.....謝謝你呀!!!!

香港人, 大家要加油呀!!!!




HEHEEE…
我地最近開左個 FACEBOOK 專頁呀
大家可以 CLICK 一 CLICK 呢度
再 LIKE 一 LIKE 0個度....
同我地做個朋友仔啦!!!!


2014年9月26日星期五

生活小記2014

踏入九月,開學之後
我0既生活,就變得愈來愈忙
每日都在趕,趕,趕
生活,好似沒有一秒鐘真真正正的,係屬於自己似的。。。。

由於哥哥讀上午班,細佬就讀下午班
所以,早上湊完哥哥番學,就立即要跟細佬單打獨鬥
相反,送左細佬番學之後,又要同哥哥拼過你死我活

現在每日送完哥哥番學,就能夠好好的陪下細佬
教下佢講野呀,同佢訓練下小手肌呀
玩下玩下,好快就會過左一個上午。。。。
早上時間一般鬆動0的,簡單的做一餐午飯就完結啦!

相反,哥哥放學之後,就會開始忙起黎!
因為哥哥已經K2喇,開始替佢報左0的英文班,國語班
放學番黎,有時需要去學野,然後就送出送入咁,
趁哥哥去上堂,我就可以用呢段時間,準備好晒夜晚0的飯餸喇!
然後, 接下來0既時間, 簡直就係沒完沒了, 冇時停哦....
首先要接哥哥, 然後就趕去湊細佬
繼而就是趕回家,趕沖涼,趕煮飯,趕吃飯,趕洗碗,趕功課
趕在八點, 同佢地兩隻野上床, 完結一日0既工作

有時, 真係覺得自己好厲害
由朝到晚, 沒有一刻可以停下來
行程緊湊成咁, 生活忙成咁, 都依然緊持唔請姐姐幫手
哈.....真係由細到大, 都冇諗過自己可以咁打不死!!!!

黎梗, 細佬即將要考幼稚園啦
一諗到下年, 兩兄弟一齊上幼稚園
兩個一齊做功課, 我真係有小小擔心呀....
唔知, 到時, 我應唔應付得黎呢????

點都好, 我要努力撐住! 我要加油!
為左兩隻仔, 一個家
我一定要撐撐撐落去!!!!請為我打打氣哦!!!!






HEHEEE…
我地最近開左個 FACEBOOK 專頁呀
大家可以 CLICK 一 CLICK 呢度
再 LIKE 一 LIKE 0個度....
同我地做個朋友仔啦!!!!






2014年9月24日星期三

bossini Happy Light Down 輕‧型羽絨

多謝 bossini
今次收到呢件羽絨, 真係超級啱駛哦!!!!
事關啱啱 plan 好左, 打算冬天同小朋友去韓國睇雪
去0的咁凍0既地方, 冇番件羽絨旁身, 真係唔得掂呀!!!!



好, 去相

哈, 真係再一次多謝 bossini
說實的, 我們家仲係第一次擁有家庭裝
鴻仔份人, 成日覺得同我地著同一件衫, 係一件刁臉的事
一直都極力反對家庭裝
知佢反感, 我雖然恨, 但都冇迫佢就範
真係萬萬估唔到, bossini 會驅使我們家擁有第一件0既家庭裝, 哈哈


嘩, 講真
我真係幾 like 呢幾件羽絨
你知啦, 拖兒帶女去韓國, 
咁凍0既地方, 到時又咁鬼多厚衫要帶過去
一件保暖得黎又輕身, 容易摺埋又方便攜帶0既外套, 真係非常咁重要架 !!!


happy light down系列有90%羽絨比例
著上身暖笠笠, 去到韓國都冇有怕啦!!!!


我好怕0的褸又重, 又難攜帶
極度欣賞呢件羽絨0既袋裝設計
件褸到時, 可以摺到細一細, 放0係行李箱都唔怕阻訂鳥!!!!


bossini 今年0既羽絨系列有好多唔同0既顏色同圖案
我自己比較鐘意女仔0的0既圖案
星星 pattern 就啱晒我喇!!!!


爸爸為魚仔選了紅色
初初我都擔心, 紅色會唔會好浮誇
估唔到著上身會咁搶鏡, 咁醒神喎, 唔錯, 唔錯!!!


而哥哥呢, 就選了深藍電路板
呢個款都幾型, 幾好襯


至於鴻仔呢, 佢大愛紫色
bossini 0的羽絨, cutting 幾好
著上身冇臃腫0既感覺, 盡顯鴻仔條纖腰......
(鴻仔, 你真係好勁呀, 減肥減出成果啦!!!)


哈, 好期待呢個滑雪之旅呀.....
不過, 亦都有小小擔心
因為兩個仔年紀尚輕, 去到咁凍0既地方
唔知佢地會唔會頂唔順, 會唔會又病左呢!!!!


唯有做多0的準備, 帶多0的禦寒衣物去啦!!!
祝我地旅途愉快, yeah!!!!



好, 俾番小小資訊大家先

男童款



女童




女裝







男裝






bossini 網上商店: shop.bossini.com



HEHEEE…
我地最近開左個 FACEBOOK 專頁呀
大家可以 CLICK 一 CLICK 呢度
再 LIKE 一 LIKE 0個度....
同我地做個朋友仔啦!!!!








2014年9月21日星期日

哥哥榮升K2生

好快, 就放完左個暑假喇!
開學之後, 朗朗就榮升K2, 成為左學校裡面0既大哥哥啦!

仲記得, 不久之前
哥哥就好似細佬咁, 每日帶住兩行眼淚, 一篤鼻涕番學
不知經歷過幾多個 "唔想番學" 0既早上
而家諗番轉頭, PN就好似琴日發生0既事一樣
但原來, 時間不留人, 朗朗不知不覺間, 已經K2喇!!!!

今年, 榮升K2生
哥哥好似覺得自己好威水咁, 
成日同我講, K2小朋友唔可以點點點, 要點點點
講到自己好大個, 好威水咁, 要立榜樣咁款..... 
真係覺得佢好儍氣, 好搞笑.....

講番開學之後0既情況先
最近, 生活變得忙碌起黎
過左中秋之後, 功課就開始出黎喇
而家, 功課量唔多, 每日都只有一份功課, 星期五有兩份
(原來, 相對其他學校, 我地算好好喇, 
有說, 好多K2, 已經日日有兩份功課, 星期五有成五樣功課呢
所以, 少功課呢單野, 真係要感恩哦!!!!)
今年哥哥做功課, 真係好左好多, 再冇舊年咁讓我激心
可能真係大喇, 知道老師0既要求
見到自己寫得唔好, 都好願意俾我擦....
媽媽都真係總算鬆一口氣......

雖然, 功課唔多, 哥哥亦好願意俾我擦
但係, 因為已經K2喇, 學校對小朋友功課要求多左
我亦認為, 係時候要執佢0的功課執得嚴小小
想佢做得整齊0的, 0的字唔好太衰, 至少要見得下人
所以, 做功課0既時間真係多左....
尤其是畫圖畫0既功課....真係動不動都要花上半個小時黎做....
真係覺得好吃力哦......

於是, 呢兩個星期
每日番學, 放學做功課, 每日, 都好機械式的過日子
哇......我真係覺得超攰呀......好想快0的又暑假哦....
然後再諗一諗..... 暑假之後.....哥哥K3, 細佬K1
OMG......兩兄弟齊齊做功課, 我真係有氣冇訂抖......
到時, 日子又會係點過呢!!!!!!!!!!!
哇.....真係好擔心哦............




HEHEEE…
我地最近開左個 FACEBOOK 專頁呀
大家可以 CLICK 一 CLICK 呢度
再 LIKE 一 LIKE 0個度....
同我地做個朋友仔啦!!!!










2014年9月20日星期六

細佬上學記

唔經唔覺, 我地0既細佬豬已經開左學一個月有多喇....
呢一個月黎, 真係有血有淚哦.....

0係開學0既頭幾日, 細佬豬終日以淚洗臉....
每次未行到學校, 就已經大叫 NO NO NOooooo
然後, 又不斷蚊我地走, 又典地, 總之就係失晒控咁, 點都唔肯番學....
後黎, 見佢喊得咁激動, 我都唔敢再送佢番學喇
最後, 唯有將呢個重任, 交俾鴻仔....

自從, 鴻仔接棒湊細佬番學
細佬0既情況, 就好轉過黎喇, 再冇之前咁哭鬧
老師仲同鴻仔講, 魚仔0係課室,
通常都好開心, 完全唔會喊.....
而且, 老師仲話魚仔份人好SWEET, 成日都會給老師愛的擁抱
個個老師, EE 都俾佢冧屎左, 個個都好鐘意佢添!
聽到咁樣, 我都好開心, 好放心!!!

見佢番學好似番得幾好咁款
於是,  有一日, 我決定親自湊佢番學, 讓佢感受下母愛!!!!
點知, 一輪到我帶0者, 佢就又喊到變豬頭啦....真係擺明蝦我0者......

後黎, 日子一日過一日
經過一個多月黎0既洗禮
最近, 魚仔佢番學時, 終於能夠笑笑口跟我道別喇
見佢番學番得咁開心, 我都感到好滿足呀!!!
希望細佬豬你, 未來呢大半年, 
能夠0係學校慢慢成長, 能夠慢慢學會自己照顧自己, 加油呀!!!!!






HEHEEE…
我地最近開左個 FACEBOOK 專頁呀
大家可以 CLICK 一 CLICK 呢度
再 LIKE 一 LIKE 0個度....
同我地做個朋友仔啦!!!!

2014年9月16日星期二

GILL家的8號風球2014

真係開心
估唔到一隻小海鷗, 會讓我地0既爸爸停下來
估唔到, 一隻小海鷗, 會讓我地0既爸爸安坐家中, 陪我地度過一整日!!!!

熟識我地0既人都知
其實鴻仔平日, 午出晚歸
阿仔番學時, 佢又未起身
阿仔放學時, 佢就要番工
到佢番到屋企時, 阿仔佢地都訓喇!!!

佢地三仔爺, 其實一直都聚小離多
一年裡面, 能夠同枱食飯0既日子, 簡直係寥寥可數
如果唔係呢隻小海鷗
都唔知幾時先有機會, 可以一家四口一齊共赴晚餐哦!!!!
哈, 所以, 呢次真係要多謝海鷗哦!!!! 


今朝一早
8點鐘, 買唔到 Iphone 之後, 心情低落
決定同阿仔佢地感受颱風, 散下悶氣
於是, 一家四口浩浩蕩蕩落街去
好, 去相


當時, 仲係掛梗八號風球
0的風都幾勁下架


一落到樓, 就發現好多樹都倒下來了


周地都係樹枝同樹葉


街上面, 人唔多
不過, 偶爾仲有一兩個人, 無懼颱風, 落街放狗


成個公園, 差唔多俾我地包場咁滯!!!!


有朋友問我: 咁大風, 咁危險, 點解你會夠膽帶住阿仔佢地落街玩架!!!!


哈, 我又覺得ok喎
跟得貼0的, 危險0既地方, 唔俾佢地行埋去咪ok囉!!!


我覺得, 一年冇乜幾多次打颱風
有機會, 點解唔俾佢地見識下呢!!!!


0係狂風之中跑跑跳跳, 講真, 真係幾好玩, 幾過癮架!!!!


兩兄弟都不知幾 ENJOY 呢個落街吹風之旅!!


見到周地樹木, 樹葉, 又大叫一餐!!!
見到0的樹葉俾風吹起, 又冷驚奇咁款!!!
見到隻狗俾風吹到行唔穏, 又笑又叫!!!


似乎, 所有野對佢地黎講, 都好新奇!
一直都問長問短, 點解今日會咁大風架? 點解周地垃圾0既? 點解點解?
無諯端成為了問題少男!


鴻爸爸減肥決心真係好堅定
打大風都唔肯停下來


仲教阿仔佢地拉筋添!!!!
細佬拉筋動作一0的都唔合格, 但佢個樣又勁認真咁, 
真係見到佢就想笑!!!


0的風真係好勁
吹到哥哥0的頭髮都豎起晒


俾大風吹, 對佢地黎講
真係好有趣, 好好玩
仲開心過玩玩具添呀! 直頭拉佢地都唔肯走!


不過, 一時有雨, 一時又停下雨
怕佢地會淋病, 所以, 仲係玩左一陣就收隊





HEHEEE…
我地最近開左個 FACEBOOK 專頁呀
大家可以 CLICK 一 CLICK 呢度
再 LIKE 一 LIKE 0個度....
同我地做個朋友仔啦!!!!

2014年9月14日星期日

表姐單車初體驗

中秋節假期前夕
不甘寂寞0既GILL家邀請左婆婆同表姐黎我們家宿營
呵, 為左讓宿營變得更有型
我地決定要帶婆婆,表姐周圍遊遊遊
呢一日, 帶佢地去左坪洲!!!

好, 去相


真係好, 三老表再度能夠聚首一堂
開心開心


呢個細佬, 總係好識得大發嗲工
我成日都覺得佢冧女有一手!!!!
氹得婆婆都不知幾咁開心




去到0個邊, 唔行山的話, 其實真係冇乜野好搞
最後我地決定踩單車


真好笑, 朗朗首次踩小斜路
踩唔夠兩步, 就立即大叫起黎
原來, 佢腳仔唔夠力
雖然落足力去踩, 但係單車唔單止沒有向前進, 反而卻一直向後溜
後溜呢野, 真係嚇到佢腳仔都軟埋, 不斷叫救命, 好似自己真的大禍臨頭咁!!!!
好采, 有婆婆救佢一命!!!


第一次挑戰單車0既表姐一開始時, 志氣高昂
見佢咁一鼓作氣, 我諗佢應該掂過碌庶啦....


點知, 佢連踩單車, 都係一個切切實實0既低頭族


一直都低著頭, 低著頭.......


除左衰低頭族之外
佢仲一直都平衡唔到自己



仲有一兩次, 0係架車樹碌低左落黎添


巧醜怪哦....哈哈
(我都算衰啦, 見佢碌低, 扶都冇扶佢一把, 仲要影低佢0的醜態, 寫埋上BLOG,
希望大方得體0既表姐仔唔好嬲我呢, 哈哈)


哥哥, 表姐踩單車
細佬就冇野做, 最後只能同婆婆行行企企



係咪想問點解細佬又行性感路線呢????無錯....佢又賴尿鳥......
幸好, 坪洲人唔多, 著住尿片周街走, 都唔會話俾人歧視0者!!!!


哥哥而家踩 4 碌似乎穏左好多喇
我諗, 過多一排, 可以俾佢試下踩兩碌啦!!!


由於細佬太悶啦....
眼見表姐, 哥哥踩單車, 自己又百無聊賴
於是, 就諗計仔, 去爭架單車番黎喇!!!!


佢都算快手啦, 一個身位得埋去
轉個頭0者, 就成功坐左0係哥哥前面啦!!!!


爭到卻踩唔到
真係激到佢屎屎下!!!!!!



真係要讚讚哥哥
愈大愈有哥哥風範, 真係好識得就細佬


哈, 可惜細佬係短腳虎啦.....
根本都踩唔黎, 最後, 唯有物歸原主!!! 



講番表姐仔先
查實, 佢都算幾不屈不撓架喇
大熱天時, 踩咁耐, 都冇放棄過!!!!


可惜, 佢真係冇乜天份......
攪左好耐, 都冇乜進步
連身在後面0既朗朗, 都偷偷笑佢....哈


踩踩下, 有位熱心小朋友都睇表姐唔順眼
走過黎, 話要教表姐踩


小朋友一直督促表姐加緊練習
大叫: 眼望前面.... 腳要快.....
後黎, 仲話要叫爸爸出黎教表姐添, 


真係搞到表姐勁尷尬, 勁無奈的, 以笑遮醜!!!!


表姐, 雖然今次成班0靚仔都踩嬴你
但GILL EE 已經覺得你好叻架喇
比碼, 你有努力過嘛!!!!
唔識, 唔梗要架!!! 
到魚仔大左, 佢學識踩單車, 到時我叫佢教你呀, 哈哈!!!!





HEHEEE…
我地最近開左個 FACEBOOK 專頁呀
大家可以 CLICK 一 CLICK 呢度
再 LIKE 一 LIKE 0個度....
同我地做個朋友仔啦!!!!