三仔爺大戰籃球場

一直以黎, 都覺得鴻仔呢個老豆, 淨係識得帶壞0的仔

又教佢地玩 i-pad, 又教佢地打機, 總係冇乜好帶挈!!!!

前排, 真係激鬼死我....爸爸竟然教朗朗唱Eric Kwok 首 Iron Man

攪到哥哥日日都0係樹

Iron Man　Iron Man　無敵化身, 鬼咁多錢　鬼咁多女　嚇窒人

聽到阿哥日唱夜唱, 真係 O 晒咀

心諗, 如果番到學校都仲唱梗 "鬼咁多錢　鬼咁多女"

都真係....唔知點向老師交代呀.....

雖然, 爸爸總係咁黑我憎, 教壞晒0的仔

但有時, 都總有好貢獻0既
最近, 佢開始學人減肥, 成日都走去跑步
偶爾, 我地會一家四小口, 會一齊做下運動, 跑跑步
哈, 原來發現, 同小朋友一齊做運動係一樣好唔錯0既親子活動
而且, 做起運動上黎
爸爸亦變得異常咁有耐性咁去陪仔玩
直頭變得父愛氾濫咁0既款添!

上兩個星期, 爸爸拉大隊, 又帶我地去做運動
今次去左打藍球
好, 去相

一去到球場, 第一時間並唔係打波
而係開餐.....

細佬愈食愈起勁
好似去左戲院, 開餐等睇戲一樣
真係睇到我 O 晒咀

都唔知係黎減肥, 定係黎增肥架.....

食完哥哥就儍左一樣......

然後大就教壞左個細....

球場變了瘋人院.....

瘋狂完一輪

正式打波

哈, 真係估唔到細佬人仔細細

原來打籃球係幾有天份架

佢好快已經常握到, 傳球0既技巧

相反, 同哥哥講左好多次

傳波時, 應該將個波放0係心口咁拋過去

講左真係好多好多次, 但係哥哥卻仲係做唔到....

一直都淨係識得用佢鋪蠻力, 亂咁拋個波出去.....

雖然天份似乎唔及細佬好

但係呢, 哥哥都好努力去學拍球

佢似乎都好鐘意呢個活動哦!!!!

睇下佢地三父子, 玩得幾咁投入!!!!



有時, 我仲係覺得....
爸爸始終係爸爸, 有0的野, 媽媽係永遠取代唔到架
有爸爸0既參予, 小朋友先會有另一種領受架!
我諗, 如果今次冇左爸爸一齊打藍球, 一定唔會玩得咁開心0者!!!!

細佬除左傳球姿勢好準確之外

佢人仔細細, 仲好有意識射籃添架!!!
我諗, 佢將來一定會係運動健將0者!!!!

睇見佢地三父子0係籃球場上跑跑跳跳又大笑

真係覺得好開心, 好滿足呀!!!

哈, 心裡面諗

如果爸爸成日都咁好心機去陪仔玩就好喇.....

爸爸, 我0係呢度懇請你

可唔可以唔好再教佢地唱 Iron Man 呀?????

玩玩下, 兩兄弟爭波起黎

細佬就係咁架喇
唔夠爭就淨係識得發脾4

可能爸爸真係太熱愛打籃球
真係好有心機陪仔玩
後黎, 仲教兩兄弟走籃, 有板有眼

果然寶刀未老

不過佢地波都未拍得掂
走乜鬼籃呀!!!!

玩左一小時
個個冇晒電, 攰到唔願郁!!!

最近, 真係有感阿仔佢地開始大啦, 真係愈來愈鐘意同爸爸一齊
爸爸, 真心希望你能夠俾多小小小小0既耐性, 去同佢地相處
雖然, 我都明, 有時佢地哭哭鬧鬧, 真係讓你好困擾
但其實, 佢地真係有好可愛0既時候架!!!
你要加油, 做個好爸爸呀!!!

HEHEEE…

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度....

同我地做個朋友仔啦!!!!