一封信

大家好, 我係鴻仔!!!

GILL仔喺去曼谷前一日同我講 "可唔可寫篇blog比我喺曼谷睇?"

我"下....好忙WOO....無可能!"

其實, 我當時心諗寫blog比GILL仔旅行睇, 我第一時間就諗到寫乜!!!

好簡單........

我就開始估啦.......

當大家分隔兩地

一個女仔最想聽到個男仔講乜嘢!!!

1. BB你瞓左未啊??? {講完....我都頂唔住....打冷陣!!!}

2. 我真係好掛住你啊....你快D返唻就好啦{太唔似我的作風}

3. 我好鐘意你{呢句說話朗朗終日掛在咀邊, 同啊朗拍拖的話, 千萬不要信啊朗, 連我都咁講會唔會太無誠意}

4. 兩個仔都好乖好聽話{根本都唔係我湊佢地兩隻嘢, 我點知乘唔乘}

到最後終於比我諗到最實際的對白........

5. 記住買手信比我......手信手信手信.......{最好就買份咖哩雞加個芒果糯米飯啦}

喺GILL仔去左曼谷的第一晚, 我經歷左一個無GILL仔但有朗朗魚仔的晚上

{當然仲有史上最幫得手的婆婆}

一如以往朗朗又再次朝早七點起身

一撲就撲向我身邊

我就抱住朗朗話" 媽咪去左旅行, 爸爸呢幾日都陪唔到你, 我要返工啊, 你同婆婆一齊好唔好?"

朗" 好!!!"

我" 其實我都想陪你地兩個, 但爸爸一定要返工揾錢, 

有錢你地先可以讀書, 有錢你地先可以去旅行!!!

你大個識揾錢, 可唔可請番爸爸媽咪去旅行, 

到時爸爸年紀都大架啦, 咁可能你同細佬照顧番我同媽咪啦?"

朗" 好....我大個....我就請你, 媽咪, 細佬去旅行!!!"

我心諗朗朗其實一向都好孝順,

可能佢真係唔會食言呢.....聽住先啦......

不過, 仼何事都好, 做人最緊要信.....