唔經唔覺, 又去到考幼兒院0既季節喇....
其實, 真係好擔心0架
事關細佬豬..... 真係幾蠢蛋0架....
時至今日, 仲係好多野都唔識....
加上龍B.....競爭真係超大呢......
呢排日日都有新聞話0的家長排幾晚通頂....真的好誇張呢....
唉....我實在沒有信心, 細佬佢能夠考到哥哥間學校....
亦都冇信心, 細佬能夠考到其他學校呢.....
哥哥當年, 可能係大仔喇
又可能, 佢係個好有考試運的人吧
考左三間幼兒院, 幸運地.... 三間都收
細佬龍B效應....
我諗, 今次真係要大包圍至得喇
呢排, 開始刨資料喇
其實, 可以選擇0既幼兒院並唔多
因為, 本身......唔係好多學校有辦兩歲班
加上, 又要就埋哥哥....
(雖知道, 兩個0係唔同區讀書, 湊0個個真係好辛苦0架)
暫時, 睇中左三間.....
願望...... 能夠求其一間肯收細佬豬就好喇
細佬豬, 加油呀.....
呢個細佬, 個樣成日都好似眼仔碌碌好醒咁
實呈就係一個豬頭丙
儍到呢.....
居然想一口氣擔住兩個奶咀
最後搞唔掂, 唯有擔左擔右, 兩邊都食下
唉..... 細佬豬, 野你又未講到, 連最簡單APPLE都指唔到出黎
你點考兩歲班呀?????
唉..... 我而家諗梗.....
如果真係一間都考唔到, 不如連樓下0的學校都照讀住先喇
真係好擔心佢會冇書讀呀......
仲記得, 兩年前, 朗朗考幼稚園時
我地又係好擔心, 日日都守候住個信箱
每次一收到學校寄黎0既信, 就心都跳埋出黎
唉, 今晚又有新聞話上水0個邊有家長排成幾日喇.....
龍B效應真係好勁呀......
好擔心呀......唉.....望就望阿哥照住細佬.....
細佬能夠.....佬憑哥貴.....考到哥哥間學校喇
不過真係唔敢講0架
因為, 學校呢幾年都收唔晒0的親屬關係0既學生
而且, 淨係哥哥0個班咋, 都有8,9個同學, 今年有細佬妹會考PN班
學校又收得幾多個呢.....
細佬你黎梗就18個月喇,
哥哥當年就係呢個月份進步神速
希望你都一樣, 黎個大躍進
然後考試時能夠順利過關啦.... 加油加油呀
細路努力呀!唔好令媽媽咁擔心呀！
回覆刪除留下讀都好呀,方便D, K1再考過
回覆刪除加油呀！我個女今年考K1，我都擔心到死死吓！因為舊年我大包圍都無學校收佢讀N1呀！
回覆刪除下，原來阿肶上年已大包圍，但都讀唔到N1呀！
刪除細佬一定可以考到心儀學校既...細佬加油~
回覆刪除乜唔係哥哥讀梗, 細佬可以大機會入架咩..???
回覆刪除唔好睇少細佬..AR... 細佬加油..!!!
唔好咁擔心啦。。輕輕鬆鬆鄧子峰啦
回覆刪除你好呀?好耐無見到細佬呀!佢大個左好多呀!至於搵學校方面,如果不是在北區住,真係會好好多呀! 因為我在北區住,我每次見到D幼稚園既排隊既人數,真係想喊呀! D大陸跨境學童包圍晒成個北區>.<
回覆刪除希望细佬成功考到大佬果間，那媽媽不用兩边走！
回覆刪除