哥哥做功課之阿仔難受, 阿媽難頂

仲記得, 上個星期出左篇BLOG講朗朗功課一籮籮

當時, 我仲冷勁咁講, 朗朗好鐘意做功課

點知, 虛張聲勢之後

朗朗突然厭惡左做功課喇

搞到今時今日呢個填地, 某程度上, 我覺得, 我係需要付上一定0既責任

說實的, 我真係唔知自己做得啱定唔啱

亦唔知自己應唔應該繼續堅持落去

:(

話說, 今次份功課其實係一0的 dot to dot 0既線條訓練

小朋友只需要跟住0的點點聯埋就可以了

當然喇, 0的線再唔係最 basic 0既直線

而係九曲十三彎0既線黎0既

我見朗朗畫極都唔能夠好整潔咁一點聯到另一點

(實呈仲要係出界出得好離普0個隻)

而當時, 我又覺得

如果初初做功課時, 唔俾佢知道老師/媽咪0既準質

怕佢第時做功課, 會變得得過且過

於是, 我捉得佢好嚴

其實我又明白, 佢地0既年紀

要畫到小小都唔出界, 根本係冇可能

但係...... 我就係不斷擦, 不斷擦去佢0既功課.....

一直都同朗朗講, 唔得, 再做過.....唔得, 再做過

跟住狂擦再狂擦....後黎, 連功課薄都擦爛埋添...

或者, 就係因為咁

朗朗變得怕左做功課啦

我0係度諗, 我0既堅持, 係咪太無謂呢

定係, 呢個只不過係一個過渡期呢....

好希望, 佢會快小小習慣

好希望, 佢能夠承受這小小0既錯折

去相

這就是今次做0既功課

.

我0係度諗..... 查實都仲未正式寫字已經攪成咁

過多排, 如果要寫好多好多中文字, 咁咪家變都有份.......

陰公, 哥哥喊到幾咁傷心

後黎, 仲要擺做功課

狂抺眼淚

救命呀....

唉, 阿仔阿仔, 你唔開心時, 查實阿媽都唔好受0架

 

喊左一輪, 仲要典埋落地

好采後黎我都唔記得攪乜, 佢又無啦啦笑番

唉.....做功課真係好攞命呢......

HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!!