GILL 仔膽粗粗, 細佬大踏步

話說

上個星期日

兩隻仔六點鬆0的, 就起左身喇

唉.......講真呀.....
明明, 星期六日, 好想好想訓得晏少少0架嘛
訓到七點, 都唔夠好過份0者
但係, 我0個兩個孝子, 就係唔肯放過我
係都要捉我同佢地玩.....我心諗, 六點咋, 玩遊戲???
我唯有同佢地講: 不如玩訓覺遊戲呀! 好好玩0架!!!!
諗住, 咁樣就可以打發到佢地
點知, 你精佢地都唔笨
係咁SAY NO, 係咁迫逼我
唉...... 最後, 我0係佢地0既淫威底下....唯有起身

自己冇得訓, 都想個老公有覺好訓

於是, 我決定帶佢地兩隻野落街散散步, 

本來, 真係諗住落樓下行下就算0架喇
點知, 阿哥係都話要落PLAZA食早餐
講都未講完咋, 條友就自己一支箭閃左人啦
我望住一直行行企企0既細佬
心裡面諗...... 唔知冇BB支援底下, 細佬行唔行到咁遠水路呢???
眼見哥哥愈走愈遠.....
我於是唯有硬住頭皮, 拖住細佬, 行落去啦

去相

呢個衰仔, 有理由就唔駛理人感受0架
自己走左去到得, 就黎激死我0架啦

是但啦, 俾細佬試下都好0既
其實, 佢都OK肯行0既

不過行下坐下咁0者, 哈哈

呢條友

成咀牙膏積, 仲要冷得戚

其實行左一陣, 我已經覺得中招

因為終日熱愛行行企企0既細佬

行左成10分鐘, 仲係沿地踏步

行極都係0個度

佢地仲要行下玩下咁

平時行20分鐘0既路程, 今日睇怕要行一個鐘啦

不過, 肚餓0個個又唔係我, 我梗係冇所謂啦

然而, 行左半個鐘之後

哥哥就開始發覺唔對路, 不斷叫我行快0的

行快0的, 行快0的

你叫得郁細佬先算啦!!!!

細佬梗係當佢冇料到啦

得閒就粘下花, 惹下草

行到攰攰地, 咪慢慢爬下爬下囉

真係采阿哥都儍

阿哥就黎俾細佬激死鳥, 哈哈

撓埋雙手, 個樣超勞氣

當哥哥激嬲之際, 細佬就笑口噬噬

呢獲真的激死哥哥鳥

好不容易, 到逹終點

哥哥唔駛捱餓啦!!!! YEAh!!!!

哈, 今次細佬成功挑戰咁長0既路程

作為媽媽, 我都覺得好開心

我0係度諗, 細佬咁行得

我地距離好日子, 應該不遠矣

或者, 我地好快就可以好似以前咁, 

得閒就去下烏溪沙, 得閒就去下火車博物館........

真係好多地方想去耶.....

加油呀,細佬, 你要快高長大哦!!!

HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!!