坪洲開心海鮮餐

哈..... 重陽節0既今日, 我地又去左坪洲啦

真係去極都唔厭0架

今日, 我地同左以恆一家去

以恆爸爸 Sam哥 話要帶JADEN一家去食海鮮喎......

說實的, 我一向對海鮮並沒有太大興趣

然而, 生左仔之後

真係幾年都冇乜食過海鮮啦 (事關朗朗有濕疹)

偶爾食下, 實在係好唔錯0既建議

加上, 兩家人一齊去吃喝玩樂

呵, 聽到都覺得興奮呢!!!!!

好, 去相 

yeah, 兩家人, 4隻仔, 超興奮

去坪洲幾次, 仲係第一次食海鮮

我地首先去左街市買餸

坪洲街市有幾檔漁檔, 0的海鮮都 ok 新鮮0架

不過今朝我地太早過去啦, 選擇比較少

連蝦都冇得食呢.....失望失望

我地買左一條大魚, 一條尤魚同一大袋蜆, 

盛為$130...... 簡直係平通街呢

其實想食更多更多野0架, 不過細路仔多, 大人小

試問, 又食得幾多味呢.....

之後, 我地就去左小炒王

開心的一家4小口

初頭以為白烚尤魚會唔太好味, 但原來咁食先夠鮮味, 正

魚檔阿婆果真冇介紹錯, 呢條魚勁多肉, 爆少骨

小朋友食得開心, 大人就食得放心

大愛這碟炒蜆, 惹味得黎唔會得個鹹字. 讚!!!

本來諗住好好咁食一餐飯, 點知對仔又再唔爭氣

食到中段, 細佬就咆哮啦

我同鴻仔唯有輪流0係餐廳外面, 看住幾隻野啦

呢幾隻野成隻馬騮咁, 擒上擒落冇時停

唉.....野又冇得食, 仲要看牛......真係慘慘慘呀

唔知幾時開始, 我同鴻仔可以有餐安樂茶飯呢....

仔呀仔, 你地快d快高長大喇, 真係唔想次次出去嘆飯, 都只能嘆一半呀.....

HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!!