齊齊哈佬喂

嘩..... 真係好誇張.....

尋晚我居然陪仔訓陪到訓著左, 仲要一覺訓到大天光

哈哈.....好耐都冇試過咁爽喇, 由夜晚八點訓到第二朝六點....

不過, 爽還爽, 唔知點解愈訓個人愈眼訓

今日個人好似仲未回魂咁

好, 正經寫今晚篇 BLOG 先

早排見到大鼻媽媽0係淘寶買左件勁勁勁 CUTE 0既胡廸衫俾大鼻

我一見到, 就好鐘意喇

於是就決定要淘淘淘喇

哈, 又俾我搵到喎

於是, 今個哈佬喂除左有上次 BOSSINI 件南瓜衫之外

仲有得扮鬼扮馬扮胡廸

早幾日

朗朗一收到件衫咋, 就話要試着喇

仲要勁爆咁開心, 化身成為廸廸尼0既個胡廸

不斷叫我地同佢影相, 笑爆咀呀!!!

去相


契姐同 Eddie 哥哥勁衰囉
不斷0係度尖叫, 仲話自己好想同胡廸影相

搞到朗朗以為自己真係廸廸尼裡面0既胡廸

要同全部遊客, 全世界人影相

 又適逢呢日
我地先啱啱去完廸廸尼, 睇完golden mickey

又唔知係咪啱啱睇完golden mickey

朗朗擺晒姿勢, 真係勁似胡廸囉

個樣超超超神氣

有冇小小頂佢唔順先!!!

其實我地個細佬豬都好cute 0架

heheee..... 又俾我淘到胡廸0既連身衫

套衫0的料仲要唔差喎

細佬演繹成點呀??? 似胡廸嗎????

呢套胡廸兄弟裝, 我真係超超超 like !!!!

 我家兩位小胡廸

我都忍唔住要同佢地合一合照

哎呀, 我總係好迷戀我對仔

總係覺得佢地好 cute.....難頂嗎 >.<

祝大家哈佬喂快樂

HEHEEE....

我地最近開左個 FACEBOOK 專頁呀

大家可以 CLICK 一 CLICK 呢度

再 LIKE 一 LIKE 0個度..... 

同我地做個朋友仔啦!!!!